Irabazi eta geldialdira lasaitasunez heldu nahi du Eibarrek
Jarraian bi porrot batu dituen Eibarrek Gironari egingo dio bisita larunbat honetan. Armaginak hiru puntuak erdiesteko asmo sendoarekin zelairatuko dira Montilivira, selekzioen partiden eraginez Ligan egongo den geldialdira lasaitasunez heltzeko xedearekin.
Gipuzkoarrek ez dute txarto lehiatu orain arte, gainera, hasierako bi neurketetan atzealdean erakutsi zituzten ahuleziak hobetu dituzte; alabaina, eraginkortasun ezak sufritzea eragin die Ligako hasierako txanpa honetan.
Joan zen urtean, Jose Luis Mendilibarren mutilek garaipen garbiak lortu zituzten Gironaren aurka, Ipuruan (4-1) zein Montilivin (1-4).
Zaldibarko entrenatzaileak Pedro Leon eta Gonzalo Escalante besterik ez ditu min hartuta; hori dela eta, anitzak izan daitezke Mendilibarrek buruan izan ditzakeen aukerak hamaikako titularra osatzeko garaian.
Hori bai, Eibarren buruak ez dauka taldearen jokamoldea aldatzeko asmorik; beraz, ikusteko dagoen gauza bakarra da ea armaginak fin dauden atzeko lerroan eta arerioaren area barrura egingo duten erdiraketa ugari horietako batean asmatzen duten.
Gironari dagokionez, zalantza dago Eusebiok 3-5-2 sistema edota 4-3-3koa hautatuko duen eibartarrei aurre egiteko. Lehendabizikoak arrakasta handiak ekarri zizkion talde katalanari Pablo Machin Gironakoen entrenatzailea zenean, eta biak txandakatu ditu Ligako lehen zazpi norgehiagoketan zehar.
Valladolideko entrenatzaileak aukeratzen duen sistema aukeratzen duela, argi dago Cristhian Stuani izango dela taldeko aurrelari nagusia. Uruguaitarrak sei gol sartu ditu ligako azken lau jardunaldietan, eta bigarren dago golegilerik onenaren sailkapenean.
Balizko hamaikakoak:
Girona: Bono; Pedro Porro o Marc Muniesa, Pedro Alcala edo Pere Pons, Juanpe, Bernardo Espinosa, Aday Benítez; Douglas Luiz, Alex Granell, Borja Garcia; Portu, Cristhian Stuani.
Eibar: Dmitrovic; Rubén Peña, Ramis, Bigas, Cucurerlla; Orellana, Diop, Sergio Alvarez, De Blasis; Enrich eta Kike Garcia.
Epailea: Eduardo Prieto Iglesias.
Futbol-zelaia: Estadi Municipal de Montilivi.
Ordutegia: 13:00.
Zure interesekoa izan daiteke
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Juan Bernat Eibarreko jokalaria, orkatilako bihurdura batekin lesionatuta
Bernatek asteleheneko entrenamenduan jasan zuen bihurdura hau, eskuineko orkatilan.
Jon Guruzetak beste denboraldi batez luzatu du kontratua Eibarrekin
Luzapena dokumentu honetan jasotako klausuletako bat bete delako eman da.
Carmen Alvarezek 2028ra arte berritu du Eibarrekin
Aurrelaria bigarren aldia ari da betetzen Eibarren; 2021ean, Atletico Madrilek utzita ailegatu zen Ipuruara, eta 2024-2025 denboraldian itzuli zen talde armaginera.
Eibarrek seigarren partida irabazi du jarraian, Ipuruan, eta Garitano kolokan utzi du (3-1)
Corpas, Marton eta Adu Aresen golek garaipena eman diete armaginei Cadizen aurka. Gauzak horrela, gora begira jarraitzen dute.
Iñaki Goikoetxea, Eibarren entrenatzailea: "Momentu txarrean gaude, kosta egiten ari zaigu"
F Ligak etenaldia egingo du martxoaren erdialdera arte. Taldeek atseden hartzeaz gainera, dauzkaten indarguneak gogortu eta ahulguneak hobetzeko aprobetxatuko dituzte hurrengo egunak. Eibarren kasua da, Iñaki Goikoetxearen taldeak urrun antzean dauka jaitsiera, baina emaitza txarreko boladan dabil aspaldian.
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.