Gehiegi sufrituta garaitu du Athleticek Levante San Mamesen (4-2)
Guruzetak (2), Serranok eta Navarrok sartu dituzte zuri-gorrien golak, baina Levantek, jokalari bat gutxiagorekin, 2 gol sartu ditu.
Athleticeko jokalariak, gol bat ospatzen. Argazkia: EFE
Athleticek 4-2 menderatu du Levante igande honetan San Mamesen jokatu den EA Sports Ligako 23. jardunaldiko partidan. Etxean bi hilabete irabazi gabe eman ondoren, Guruzetak (2), Serranok eta Navarrok egindako golek eman diete garaipena zuri-gorriei.
Bizitasunez hasi dute zuri-gorriek partida, intentsitate handiarekin erasoan eta, bereziki, Williams anaien abiadura aprobetxatuz. Aukera bana izan dute. Iñakik gertu izan du gola hegaletik sartuta, eta Nicoren jaurtiketa bat ahulegi joan da arriskua sortzeko.
Kontraeraso azkarrak izan dira Athleticen arma nagusia, eta 17. minutuan saria lortu dute. Iñaki korrika joan da baloiaren bila arearantz, eta Maturrok heldu egin dio ihes egin ez zezan, eta lurrera bota du azkenean. Epaileak txartel gorria atera dio zuzenean, eta jokalari bat gutxiagorekin utzi du Levante.
Hala ere, lehoiei kosta egin zaie aurkariaren areara hurbiltzea. Apurka-apurka, presioa areagotzen joan dira, eta Galarretak areara egindako erdiraketa batean, Guruzetak aurrea hartu dio defentsari, eta gola egin du, buruz (1-0).
Bost minutu geroago sartu du Guruzetak bigarrena. Unai Simonek azkar atera du atetik, baloi luzea eman dio Iñaki Williamsi, Iñakik aurrera egin du eta Guruzetari eman dio, baloia sarera bidal zezan (2-0).
Albiste txarra Yuriren lesioa izan da, zelaia utzi behar izan baitu lehen zatia bukatu baino lehen. Adamak ordezkatu du.
Bigarren zatia hasi baino ez, Guruzetak beste gol aukera bat izan du, baina Ryanek geldiketa ona egin dio. Levante taldeko atezainak hainbat geldiketa ikusgarri egin ditu, eta markagailua askoz handiagoa izatea eragotzi du.
Hortik aurrera, eta Kopako kanporaketari begira, Valverdek zelaitik kendu ditu Guruzeta, Nico Williams, Jauregizar eta Galarreta.
Athleticen nagusitasuna nabaria izan da, baina partida amaitzeko 10 minutu falta zirenean, Elgezabalek gol ikusgarria egin du txilenaz, markagailuan aldea murrizteko (2-1).
Urduri jarri gabe, zuri-gorriek erantzuten jakin dute, eta hurrengo jokaldian Nico Serranok 3-1koa jarri du markagailuan, Ligan bere lehen gola sartuz.
Luzapenean, Olasagastik beste gol ikusgarri bat sartu du Levanterentzat (3-2).
Partida amaitu aurretik, azken minutuan egindako azken jokaldian, Navarrok 4-2koa jarri du markagailuan. Ez da beste ezertarako astirik izan.
Zure interesekoa izan daiteke
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.
Jauregizar: "Partida oso zaila izango da, baina aurrera egiteko aukerak ikusten ditut"
Oviedon "susto handia" hartu zuela onartu du erdilari zuri-gorriak, baina adierazi du belauneko lesioa dagoeneko sendatu duela. Asteazken honetan Anoetan jokatuko den Kopako derbiari dagokionez, Bermeoko erdilariak uste du "guztia" utzi behar dutela zelaian. "Gogoz eta intentsitatez berdeguneratu behar gara, euren bila lehen minututik", erantsi du.
Williams: "Pena da lehen kolpea jaso beharra gure mailarik onena ateratzeko"
Iñaki Williams Athleticeko jokalariaren adierazpenak, EA Sports Ligako 26. jardunaldian Rayo Vallecanoren aurka 1-1 berdindu ondoren.
Unai Simonek bizirik mantendu du Athletic Vallecasen (1-1)
Ligan bosgarren partida jarraian puntuak gehitu ditu Athleticek. Valverderen taldeak puntu bat berreskuratu du Vallecasen, Iñaki Williamsen gol ikusgarri bati eta Unai Simonen geldiketa erabakigarriei esker, Jorge de Frutosen gol batek etxeko taldea aurretik jarri eta gero.