Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Naroa Uriarte, Athleticekin 2020an jokatutako partidan. Artxiboko argazkia: Europa Press
Athleticek baieztatu duenez, Naroa Uriartek, 2018an Munduko eta Europako 17 urtez azpiko txapeldunak, futbola uztea erabaki du, belauneko bi lesio larri jasan ondoren. 25 urteko jokalariak maila gorenean zazpi denboraldi eman ditu.
Uriarte Getxoko Bizkerre taldean hasi zen futbolean. 2016an iritsi zen Lezamara, 15 urterekin, eta 2020ko otsailean egin zuen debuta lehen taldearekin, Angel Villacampa orduko entrenatzailearen esanetara. Talde zuri-gorriarekin 38 norgehiagoka ofizial jokatu ditu, eta ,gainera, bi denboraldi (2023-24 eta 2024-25) eman di eman ditu utzita Granadan.
2021eko abenduan, ezker belauneko aurreko lotailu gurutzatua hautsi zuen, eta 2024ko azaroan, jadanik Granadako jokalari gisa, lesio bera izan zuen, baina eskuineko belaunean.
"Ordutik, Naroak osatzeko prozesu luzea bizi izan du, bakarka lan ordu asko betez. Bere eguneroko jarrera eta adiskidetasuna beti gogoratuko dira aldagelan", azpimarratu du Athleticek.
Uriarteri omenaldia egingo diote datorren igandean Lezaman, Athleticek Alhama CF taldearen aurka jokatuko duen F Ligako azken jardunaldiko partidaren atarian.
Zure interesekoa izan daiteke
Athleticek 152,6 milioiko aurrekontua onartu du, 2026-2027 denboraldirako
Edin Terzic: “2024ko Kopako finalaren osteko irudiak ikusteak eragin zuen nik onartzea Athleticen egotea”
Iñigo Ruiz de Galarretak lesio “moderatua” du eskuin hankako gihar iskiotibialean
Unai Simonek Yashin Garaikurra irabazi du eta 2026ko munduko atezainik onena da
Nico Williams, Getaferen aurkako partidaz: “Taldea bikain aritu da”
Athleticek arnasa hartu du Getaferi irabazita, eta Imgak eta Txus Vizcayk debuta egin dute
Athleticek ezin izan du Sevilla gainditu (0-0)
Ruiz de Galarreta: “Garaipenaren bidea hartu behar dugu; indar guztiak ipini behar ditugu horretan”
Bi minutu txar lehen zatian eta Laportek txartel gorria ikustea nahikoa izan dira Athletic aukerarik gabe uzteko Ciutat de Valencian (3-1)
