Athleticek bere laugarren Superkopa bilatuko du Saudi Arabian, Yuri eta Laporte gabe
Asteazkenekoa zuri-gorrien hamabigarren partida izango da txapelketa horretan. Gainera, Valverdek bere hirugarren Superkopa irabazteko aukera du, Cruyff eta Guardiola entrenatzaileekin berdintzeko abagunea.
Athleticek Espainiako laugarren Superkopa lortu nahi du bere zortzigarren parte-hartzean. Txapelketak 42. edizioa ospatuko du. Asteazkenean hasiko da Saudi Arabian, talde zuri-gorriaren eta Bartzelonaren arteko finalerdiarekin.
Asteazkenekoa zuri-gorrien hamabigarren partida izango da txapelketan, horietatik bederatzi Bartzelonaren aurka, bi Real Madrilen kontra eta bat Atletico Madrilen aurka jokatu dituzte.
Bestalde, Ernesto Valverde Athleticeko prestatzaileak bere hirugarren Superkopa irabazteko aukera du, Johan Cruyff eta Pep Guardiola entrenatzaileekin berdintzeko abagunea.
Valverdek 2015ean eskuratu zuen Superkopa Athleticekin, Bartzelona mendean hartuta, urte horretan Luis Enriquek zuzentzen zuen Kataluniako taldea, eta 2018an Bartzelona berarekin, Tangerren jokatutako neurketa bakarreko finalean Sevillari 2-1 irabazi ondoren.
Aymeric Laportek eta Yuri Berchichek min hartuta jarraitzen dute, eta astelehen honetan ez dira Saudi Arabiara joan. Valverdek 25 jokalari eraman ditu: Unai Simon; Areso, Vivian, Paredes, Adama; Jauregizar, Galarreta; Iñaki Williams, Sancet, Nico Williams; Guruzeta; Padilla, Santos; Gorosabel, Monreal, Lekue; Vesga, Rego, Selton, Unai Gomez, Eder Garcia; Robert Navarro, Berenguer, Nico Serrano eta Izeta.
Talde zuri-gorriak azken lan saioa egin du astelehen honetan Lezaman. Athleticek Hyatt Jeddah hotelean hartuko du ostatu Yedan, txapelketa jokatzen den hirian.
Zure interesekoa izan daiteke
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.
Carmelo Cedrun Athleticeko atezain mitikoa zendu da
Carmelok Liga eta Kopa irabazi zituen euskal klubean, eta hamalau denboraldi eman zituen Bilboko taldean, 1950-1951 denboralditik 1963-1964 denboraldira bitartean. Guztira, 404 partida jokatu zituen Athleticekin; Raimundo Perez Lezamaren lekukoa hartu zuen, atepean, eta Jose Angel Iribarrek jaso zuen berea. 95 urte zituela hil da.
Maite Zubietak Atletico Madrilekin sinatu du 2028ra arte
Bizkaitarra Athleticen eman ditu azkeneko lau denboraldiak, 103 partida jokatuta.
Mikel Gonzalezek kontratua berritu du, eta Athleticen futbol zuzendari izaten jarraituko du 2030era arte
González 2022ko azaroan sartu zen karguan, Jon Uriarte presidentearen eskutik.