Jauregizarrek Athletic erreskatatu du luzapenean, O Couto futbol-zelaiko lokatzean (0-1)
Valverderen mutilek hasiera txarra eman diote neurketari, baina minutuek aurrera egin ahala hobetzen joan dira. Hala ere, gol aukera oso gutxiko norgehiagoka izan da. Bigarren zatian Guruzetak baloi bat langara bidali du, aurreneko 90 minutuetako aukerarik argienean.
Jauregizar, Orenseren aurka sartutako gola ospatzen. Argazkia: EFE
Athleticek 0-1 irabazi dio Ourenseri luzapenean Jauregizarren gola bati esker. Talde zuri-gorriak sufritu egin du O Coutoko zelai lokaztuan, baina bizirik atera da borrokaren eta fisikoaren bidez.
O Coutoko zelai astunean eta euripean, Athleticek ez du ondo hasi Ourenseren aurkako partida. Talde galiziarra nagusi izan da lehen zatiko lehen minutuetan.
Horrela, Ourense Padillaren ate inguruan ibili da, nolabaiteko arriskua sortuz, baina abagune argirik sortu gabe. Izan ere, Athleticeko atezainak ez du geldiketarik egin behar izan.
Minutuek aurrera egin ahala, Ernesto Valverderen taldea hobetzen hasi da, eta norgehiagoka intentsitatean orekatu du, zelaia ez baitzegoen filigrana handietarako. Athleticek bultza egin du, eta behin baino gehiagotan hurbildu da Sanchez Vivasek defendatutako atera. Iñaki Williamsek eta Urko Izetak hainbat barnekaldi egin dituzte, baina ez dute asmatu azken metroetan erabaki okerrak hartuta.
Atsedenaldiaren ostean, Padillak esku hartu behar izan du Galiziako taldeak areaz kanpotik egindako jaurtiketa batean. Atezain zuri-gorria luzatu egin da geldiketa bikain bat egiteko, aurrean baloiak botea eman ostean.
70. minutuan iritsi da norgehiagokako aukerarik argiena. Guruzetak baloia burukada baten langara bidali du erdiraketa handi baten ondoren. 85. minutuan, bigarren zatian zelairatu den Nico Williamsek jokaldi bikaina egin eta bere jaurtiketa atezainak kornerrera bidali du.
Bigarren zatian zelairatu den Berenguerrek area barrutik egindako jaurtiketa bat, izan da aipagarriena neurketaren azken txanpan. Athletic saiatu da azken unera arte estutzen, baina norgehiagoka luzapenera joan da.
Luzapenaren lehen zatiaren azken hasperenean iritsi da Athleticen gola. 106. minutuan, Berenguerrek ateratako falta, Paredesek buruz utzi dio Jauregizarri, eta Bermeoko erdilariak boleaz eskuadratik sartu du.
- Fitxa teknikoa:
0 - Ourense: Alberto Sanchez; Enol Coto, Carmona, Adri Perez, Hugo Sanz; Omar (Jelbat, 89. min), Jerin Ramos (Punzano, 106. min), Moreno (Nacho Castillo, 59. min), Aranzabe (Guerrero, 68. min); David Muñoz (Yuste, 59. min) eta Amin Bouzaig (Piera, 89. min).
1 - Athletic: Padilla; Gorosabel (Areso, 90. min), Vivian, Lekue, Adama (Paredes, 91.min); Rego, Vesga (Jauregizar, 63.min); Iñaki Williams (Berenguer, 63.min), Sancet (Unai Gomez, 97.min), Izeta (Nico Williams, 68.min); eta Guruzeta.
Gola: 0-1, 105. min: Jauregizar.
Epailea: Jose Luis Munuera Montero (Andaluziako batzordea). Txartel horiak: Ourenseko David Muñoz (45. min), Enol Coto (90. min) eta Adri Perez (105. min); Athleticeko Vesga (43. min), Rego (78. min) eta Jauregizar (107. min).
Zure interesekoa izan daiteke
Nico Serranok gihar-lesio arina du, eta ez da taldekideekin aritu, Athleticen
Jokalari nafarrak, hain zuzen, ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.