Athleticek galdu egin du Newcastleren aurka St James' Parken, falta ziren jokalarien hutsunea sumatu da (2-0)
Athleticek, baja ugarirekin, 2-0 galdu du gaur Newcastle Uniteden aurka Txapeldunen Ligako ligaxkako 4. jardunaldian, zuri-gorriek defentsan eta geldikako jokaldietan egindako hanka-sartzeen ondorioz. Dan Burnek eta Joelintonek buruz sartu dituzte bi golak.
Defentsan egindako bi akatsek talde zuri-gorria saririk gabe utzi dute St James' Park futbol-zelaian. Ernesto Valverderen taldeak hiru puntu ditu, Txapeldunen Ligako lehen lau jardunaldietan Qarabagi irabazi baitio soilik, eta hobekuntza nabarmena beharko du azken jardunaldietan, sailkatzea lortu nahi baldin badu.
Dan Burnek buruz sartutako gol batek eta Unai Gomezek eta Adamak zutoinera egindako bi jaurtiketek lehen zatia markatu dute.
Burnek egin du lehen 45 minutuetako gol bakarra, albotik botatako falta batean. Robert Navarrok ez du jarraitu, eta bakar-bakarrik utzi du erasotzaile ingelesa, errematerako prest. Horrek erremate paregabea egin du, buruz.
Ondoren, Ernesto Valverderen taldeak berdinketa lortzeko bi abagune izan ditu Unai Gomezen eta Adamaren jaurtiketetan. Azken horren jaurtiketa aparta izan da, hegaleko zuri-gorriak gogor astindu du baloia areaz kanpotik eta zuzenean zutoinera joan da, atera joan izan balitz, atezainak ezer gutxi egin ahal izango zukeen.
Atsedenaldiaren ostean, Joelintonek 2-0ekoa egin du bigarren zatia hasi eta berehala, area txikian egindako burukada batekin.
Ingalaterrako taldearen 11 zenbakia ezker aldetik sartu da area barruan, Athleticeko atzelariek ia tentsiorik gabe defendatu dute jokaldia. Zuri-gorriek hobera egin dute Valverdek hamaikakoa aldatu duenean, eta Eddie Howek zuzentzen duen taldearen intentsitatea ere jaitsi da.
Talde zuri-gorriak ere aurpegi berriak atera ditu berdegunera, eta horietako batek, Nico Serranok, protagonismoa bereganatu du bi ezkerkada eder eginda. Lehenengoa 73.ean izan da, urrutitik, eta bigarrena, 87.ean, etxekoen area barruan. Biak Pope atezainak gelditu ditu.
Fitxa teknikoa
-Hamaikakoak:
Newcastle: Pope; Trippier, Thiaw, Botman, Burn (Hall, 65.min); Bruno Guimarães (Miley, 65.min), Tonali, Joelinton; Gordon (Murphy, 41.min), Barnes (Elanga, 65.min) eta Woltemade (Ramsey, 83.min).
Athletic: Unai Simon; Areso (Gorosabel, 78.min), Vivian, Paredes, Adama; Jauregizar (Selton, 70.min), Rego (Ruiz de Galarreta, 81.min); Berenguer, Navarro (Serrano, 70.min), Vesga; eta Unai Gomez (Hierro, 78.min).
-Golak: 1-0, 11.min: Burn. 2-0, 49.min: Joelinton.
-Epailea: Ivan Kruzliak eslovakiarra. Paredesi (57.min) eta Aresori (69.min) txartel horia atera die.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.