Laporte ezin izango da Athleticen jokalari ibili, momentuz
Aymeric Laportek ezin izango du Athleticen jokatu, momentuz. Horixe jakinarazi du Bilboko klubak, irailaren 3an publikatutako ohar ofizialean. FIFAk ukatu egin du Laportek Athleticen jokatzeko Saudi Arabiako Futbol Federaziotik Nazioarteko Transferentzia Ziurtagiria (ZTB) lortzeko Espainiako Futbol Federazioak egindako eskaera.
Hala ere, klubak gaineratu du Athleticek lanean jarraitzen duela hiru aldeen (Al-Nassr, jokalaria eta Athletic) borondatea behar bezala betetzeko, eta dauden aukera guztiak aztertzen ari da. Horrez gain, Athleticek jakinarazi nahi du Aymeric Laporte talde zuri-gorrira batzen ez bada, akordioak inolako ondoriorik gabe geratuko direla alde guztien artean; hau da, ez duela inolako ondorio ekonomikorik izango Bizkaiko klubarentzat, hiru aldeen arteko kontratuak eteteko baldintzak betez.
Oharrean, Athleticek adierazi du klubak egungo egoera konpontzeko bide guztiak urratu ondoren emango dituela azalpenak.
Hauxe da gertaeren laburpena, Athelticen arabera, lau puntutan zehaztuta:
1.- Joan den irailaren 1ean, eta araudiak gaitutako jokalarien inskripzio-epearen barruan, Aymeric Laporte Fevre jokalariak, Al-Nassr Football Club Saudi Arabiako klubak eta Athleticek jokalaria Bilboko taldera transferitzea erabaki zuten, baldintza jakin batzuk beteta.
2.- Athleticek transferentzia-eskaera irailaren 1ean igo zuen FIFAren TMS plataformara, baina ezin izan zen egun horretan osatu, gure borondatearekin zerikusirik ez zuten arrazoiengatik, eta gure kontroletik kanpo zeuden faktoreengatik.
3.- Irailaren 2an, Espainiako Futbol Federazioak FIFAri eskatu zion balidazio-salbuespena baimentzeko, Saudi Arabiako Futbol Federazioaren Nazioarteko Transferentziaren Ziurtagiria eskuratu ahal izateko, Athleticek jokalaria inskribatu ahal izateko.
4.- Espainiako Futbol Federazioak irailaren 3an posta elektronikoz jakinarazi zion Athletici FIFAk ukatu egin ziola eskaera eta Nazioarteko Transferentziaren Ziurtagiria lortzeko aukera.
Zure interesekoa izan daiteke
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.