Yerayk Vesgak huts egindako penaltia konpentsatu du eta garaipena eman dio Athletici Sevillaren aurka (0-1)
Athleticek garaipena lortu du Sevillaren aurka (0-1) igande honetan Sanchez Pizjuanen jokatu den EA Sports Ligako 28. jardunaldiko partidan. Nylandek gelditu egin du Vesgak jaurtitako penaltia, baina Yerayk garaipenaren gola sartu du azken minutuetan.
Partida Sevillaren kontrolpean hasi da, baina lehen gerturatzeak Athleticek egin ditu, presioa oso goian eginda. Berenguerrek beldurra sartu die aurkariei langan jo duen falta jaurtiketa baten bidez, Nylandek baloia eskuarekin area kanpoan ukitu ondoren.
Pixkanaka, etxekoak nagusitzen joan dira eta arrisku gehiago sortu dute, batez ere Ejukeren hegaletik, ahal izan duen bakoitzean Gorosabel gainditzen saiatu baita. Gainerakoan, norgehiagoka oso parekatua izan da lehen zatian, eta atzelariek argi eta garbi gainditu dituzte aurrelariak.
Atsedenaldira joan aurretik, baina, zuri-gorrien erdiraketa batean, Saulek eskuarekin ukitu du baloia area barruan, eta epaileak, jokaldia VARean berrikusi ondoren, Athleticen aldeko penaltia adierazi du. Vesgak penaltia bota du, baina Nylandek baloia nora zihoan asmatu dio eta gelditu egin du.
Bigarren zatia ere Sevillaren nagusitasunarekin hasi da. Unai Simon funtsezkoa izan da minutu horietan, eta hainbat geldiketa egin behar izan ditu Lukebakio eta Ejuke protagonista izan dituzten erasoetan.
Jokoaren gidoia aldatzeko asmoz, Valverdek Galarreta, Nico eta Maroan zelairatu ditu Vesga, Unai Gomez eta Guruzetaren ordez. Iñaki Williams izan da zortea probatu duen hurrengoa, korrika ihes eginda atezainarengana iritsi arte, baina defentsak azken unean eten du erasoa. Hala ere, jokaldiak ez zuen balio, jokoz kanpo zegoela abiatu baita.
Maroanek eta Williamsek jokaldi ona egin dute, eta Iñakiren jaurtiketarekin amaitu da, baina Nylandek sendo eutsi dio baloia sare barrura ez iristeko.
Partida golik gabe amaituko zela zirudien, baina 84. minutuan Yerayk buruz errematatu du Berenguerrek ateratako falta bat eta sare barrura bidali du baloia, garaipena zuri-gorriei emateko (0-1).
Fitxa teknikoa:
0 - Sevilla: Nyland; Carmona (Idumbo, 87. min), Bade, Kike Salas, Pedrosa; Sow (Akor Adams, 83. min), Agoume; Lukebakio, Saul Ñiguez (Sambi Lokonga, 46. min), Ejuke (Ruben Vargas, 66. min); eta Isaac Romero (Juanlu, 66. min).
1 - Athletic: Unai Simon; Gorosabel, Unai Nuñez, Yeray, Lekue; Prados (Jauregizar, 60. min), Vesga (Ruiz de Galarreta, 60. min); Iñaki Williams, Unai Gomez (Nico Williams, 60. min), Berenguer (Yuri, 90. min); eta Guruzeta (Maroan Sannadi, 70. min).
Gola: 0-1, 84: Yeray Alvarez.
Epailea: Juan Luis Pulido Santana. Txartel horia atera die Nyland, Sow, Saul Ñiguez, Agoume, Berenguer eta Unai Gomez jokalariei.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.