Athleticek "kontu bideraezinak" antzematen ditu ICCHk Erromaren aurka animatzeko egindako proposamenean
Athleticek "akatsak eta kontu bideraezinak" antzematen ditu Iñigo Cabacas Herri Harmailak (ICHH) osteguneko Athletic-Erroma Europa Ligako San Mameseko partidan animatzeko astelehenean egindako proposamenean. Astearteko azken orduan zabaldutako agiri ofizialean, Athleticek azaldu du klubak eta Iñigo Cabacas Herri Harmailaren ordezkariek bilera egin dutela, arratsaldean; klub zuri-gorriak beste bilera bat proposatu du, aste honetarako, eta nabarmendu du: "Beti dugu irekita elkarrizketarako atea".
Hala, Athleticek eta ICHHren ordezkariek bilera egin dute astearte arratsaldean, aztertzeko taldeak astelehenean argitaratutako proposamena, alegia, "Herri Harmailak eta San Mamesek merezi duten bezala orro egin dezaten" izenburupean zabaldutako testua. Bileran, klubak adierazi duenez, Athleticek eskaeraren "akatsak eta bideraezintasunak" azaldu ditu, eta, jarraian, zehaztu du zein den Erromaren aurkako norgehiagokan "animazioa dinamizatzeko bidea", kontuan izanik "aplikatu beharreko araudia" zein den.
Agirian, Athleticek azaldu du nola erabili ahal diren eta nola ezin diren erabili ICHHren bi megafono, bi bonbo eta hiru bandera handi; eta, jarraian, Athleticek baieztatu du "ICHHk dinamizatzaile gisa proposatzen dituen zazpi pertsonetatik, bakar batek duela galarazita animazio elementuak erabiltzea".
Azkenik, Athleticek azpimarratu du jarraituko duela bere helburuaren alde egiten, "orain arte izan duen irmotasun berarekin: Herri Harmailak partida guztietan animatzea eta errespetuz egitea. Helburu horrek Athleticen balioei eta Ezohiko Batzarrean onartutakoaren espirituari erantzuten die; Batzar horretan, animazio harmaila herrikoia sortzea erabaki zen".
Zure interesekoa izan daiteke
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0), Balaidosen. Zuri-gorriek partida irabazi behar zuten goiko postuetan geratu nahi bazuten, baina ez dute lortu. Aitor Paredesek kontatu diguna, bideo honetan.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athletic porrotera eraman dute.
Athleticek talentu gazteari esker lortu du garaipena
Athleticek 0-2 irabazi dio Madrid CFFri, Liga F Moeveko 14. jardunaldian, Fernando Torres zelaian jokatutako neurketan. Elene Gurtubayk ireki du markagailua, eta Daniela Agotek sartu du bigarren gola partidako emaitza itxiz. Garaipen honi esker, Athletic sailkapenaren erdialdetik gora kokatu da.
Ernesto Valverde: "Celtak beti sortzen dizkigu arazoak; atera iristea eta zehatzagoak izatea falta zaigu"
Ernesto Valverdek prentsaurrekoa eman du igande honetan jokatuko duen Celtaren aurkako partidari begira. Adierazi duenez, taldea ondo dago, baina partida zaila izango da eta, Laporteren lesioa dela eta, Iker Monrealek jokatuko du. (Bideoa gazteleraz)
Iñigo Ruiz de Galarreta: "Talde guztiaren lanarekin lortu dugu atea hutsean mantentzea"
Ruiz de Galarreta pozik agertu da taldeak egindako lanarekin.
Txapeldunen Ligako seigarren jardunaldiko Athletic-PSG (0-0) neurketaren laburpena
Athleticek eta PSGk golik gabe berdindu dute San Mamesen, Txapeldunen Ligako seigarren jardunaldian, Valverderen taldeak lan bikaina egin du defentsan. Unai Simonek Europako txapelduna geldiarazi du, eta talde zuri-gorriari Europako txapelketa nagusian bizirik mantentzen duen puntu bat eman dio.
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.