Athleticek sufritzen jakinda irabazi du Las Palmasen (2-3)
Athleticek 2-3 irabazi dio Las Palmasi igande honetan Kanaria Handia zelaian jokatu den EA Sports Ligako bosgarren jardunaldiko partida. Euskaldunek aurrea hartu dute Sancetek eta Nicok lehen zatian sartutako golei esker. Jaureguizarren txartel gorriak zaildu egin du lehoien bigarren zatia, Paredesek gola sartu arren sufritu baitute.
Partida modurik onenean hasi dute lehoiek. Guruzeta izan da jaurti duen lehena, baina jaurtiketa erdiratuegi atera zaio atezainaren eskuetara. Kanariarrek jokaldi on batekin erantzun dute, Moleiroren tiro gogor batekin, eta Agirrezabala geldiketa bikaina egitera behartu dute.
10 minutu ere ez dira igaro Athleticek markagailua ireki duenean. Iñaki Williams zuzen joan da hegaletik eta ondo eutsi dio taldekideak iritsi arte. Guruzetari pasea eman dio eta baloia pasatzen utzi du, Sancetek gola nahi bezala egin zezan (0-1).
Athleticen 8ak beste aukera bikain bat izan du baloia Nico Williamsen bakarkako jokaldi on batean jasotakoan. Pentsatzeko denbora nahikoa izan du, baina jaurtiketa kanpora joan da, zutoinetik oso gertu. Handik gutxira gola aurkitu du, baina jokaldia baliogabetu dute, jokoz kanpo egin baita.
Ordu erdira, Nicok bigarrena egin du. Cillessenek gaizki urrundu du baloia, Williams anaietako txikiak, presarik gabe, nagusiari eman dio eta bueltatu dio, eskuin zutoinean jarritako jaurtiketa eginda gola sar zezan (0-2).
Las Palmas garaipenari eustear egon da Kirianen jaurtiketak euskal atezaina gainditu duenean, baina Paredes agertu da baloia garaiz ateratzeko gol-lerro beretik.
Bigarren zatia zaildu egin zaio Athletici. Jaureguizarrek txartel horia zuen, baina txartel gorri zuzena jaso du, Sandrori falta egiteagatik. Epaileak defentsako azken jokalaria zela uste izan duelako egotzi du Bermeoko jokalaria.
Hori nahikoa ez balitz, jarraian, Las Palmaseko jokalariak faltaz sartu du gola (1-2).
Agirrezabalak ukabilak atera behar izan ditu Fabio Silvaren errematea kanpora ateratzeko. Okerren pasatzen ari zirenean, korner batean lasaitua iritsi da: aldaratzea Berenguerri iritsi zaio, erdiraketa punteriarekin Iñakirentzat, eta Paredesi heldu zaio baloia eta sarera bota du (1-3).
Pozaldia laburra izan da, minutu gutxira Alex Muñozek Agirrezabalaren irteera txarra aprobetxatu baitu gola sartu eta Athletic berriro urduri jartzeko (2-3).
Athleticek amaierara arte sufritzen jakin du eta hiru puntuak poltsikoratu ditu Las Palmasen.
Fitxa teknikoa:
2 - Las Palmas: Cillessen; Marvin Park, Alex Suarez (Alex Muñoz, 46. min), McKenna (Benito, 77. min), Mika Marmol; Campaña (Fabio, 46. min); Sandro, Javi Muñoz (Fabio Silva, 63. min), Kirian, Moleiro; eta McBurnie (Mata, 77. min).
3 - Athletic Club: Agirrezabala; De Marcos (Gorosabel, 77. min), Vivian, Paredes, Yuri; Ruiz de Galarreta (Prados, 59. min), Jauregizar; Iñaki Williams, Sancet (Unai Gomez, 71. min), Nico Williams (Berenguer, 71. min); eta Guruzeta (Vesga, 59. min).
Golak: 0-1, 7. min: Sancet. 0-2, 30. min: Nico Williams. 1-2, 58. min: Sandro. 1-3, 76. min: Paredes. 2-3, 83. min: Alex Muñoz.
Epailea: Miguel Angel Ortiz Arias. Txartel gorria atera dio Jauregizarri. Txartel horia atera die Jaureguizar, Ruiz de Galarreta eta Alex Suarez jokalariei.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.