Athletic kanporaketari eusten saiatuko da, Bartzelonako itzuliko partidari begira
Athleticek Erreginaren Kopako finalerdiaren joaneko partida jokatuko du ostegun honetan San Mamesen (19:00etan) Bartzelonaren kontra, datorren asteko itzuliari begira kanporaketa bizirik mantentzeko asmoarekin.
Talde bilbotarrak galdu egin zuen Ligako partida Lezaman Bartzelonaren aurka (0-4), nahiz eta partida ondo jokatu, atsedenaldira huts eta bateko emaitzarekin iritsita.
Hala ere, Athletic beti saiatzen da motibatzen, gizonezkoen taldeari ez bezala, neskak ez baitira ondo ibili orain arte lehiaketa honetan. Athleticek bost Liga titulu dituen arren, Erreginaren Kopa ez du inoiz irabazi.
Oraingoan, ilusioa eta konfiantza taldearen gaztetasunean jarri dute. Espainiako selekzioaren beheko mailetan saritutako hainbat jokalari ez ezik, Ane Azkona eta Nahikari Garcia erasoko jokalariak nabarmentzen dira.
Ligako Betisen aurkako partida irabazi (1-0) ondoren, Athletic zortzigarren postuan dago F Ligako sailkapenean 26 punturekin. Zazpigarrenetik (Reala) puntu bakarrera dago, eta seiren aldea du bederatzigarrenarekin (UD Tenerife).
Neurketa horretako hamaikako jokalariak hauek izan ziren: Azkona, Nahikari, Nanclares, Elexpuru, Landaluze, Maddi, Nerea Nevado, Zubieta, Oguiza, Pinedo eta Zugasti.
Ez dirudi Bartzelonaren aurkako partidan Aznarren hamaikakoa asko aldatuko denik, hala ere, Bibi, Itxaso, Mariana, Sara Ortega eta Jone Amezagak aukerak dituzte neurketako lehenengo zatian irteteko.
Zure interesekoa izan daiteke
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.
Jauregizar: "Partida oso zaila izango da, baina aurrera egiteko aukerak ikusten ditut"
Oviedon "susto handia" hartu zuela onartu du erdilari zuri-gorriak, baina adierazi du belauneko lesioa dagoeneko sendatu duela. Asteazken honetan Anoetan jokatuko den Kopako derbiari dagokionez, Bermeoko erdilariak uste du "guztia" utzi behar dutela zelaian. "Gogoz eta intentsitatez berdeguneratu behar gara, euren bila lehen minututik", erantsi du.
Williams: "Pena da lehen kolpea jaso beharra gure mailarik onena ateratzeko"
Iñaki Williams Athleticeko jokalariaren adierazpenak, EA Sports Ligako 26. jardunaldian Rayo Vallecanoren aurka 1-1 berdindu ondoren.
Unai Simonek bizirik mantendu du Athletic Vallecasen (1-1)
Ligan bosgarren partida jarraian puntuak gehitu ditu Athleticek. Valverderen taldeak puntu bat berreskuratu du Vallecasen, Iñaki Williamsen gol ikusgarri bati eta Unai Simonen geldiketa erabakigarriei esker, Jorge de Frutosen gol batek etxeko taldea aurretik jarri eta gero.