Erika Vazquez, Athleticen emakumezkoen taldean partida gehien jokatu dituen jokalaria
Erika Vazquez Athleticen emakumezkoen taldean partida gehien jokatu dituen futbolaria bihurtu da asteazken honetan (414) Atletico Madrilen kontrako lehian (2-1) titular aritu ostean. Iruñeko aurrelariak 39 urte ditu eta 17 denboraldi daramatza zuri-gorri gisa. Guztira 263 gol sartu ditu orain arte Erikak.
Klubaren historian, emakumezkoen kategorian, hamazazpi denboraldi jokatzen dituen lehen jokalaria da. Barañaingo Lagunak taldetik iritsi zen 2004-2005 denboraldian Bilbora, eta bere lehen urtean 26 gol sartzeaz gain, Superligako titulua lortu zuen.
Gero, 2006-2007 eta 2015-2016ko liga txapelketak heldu ziren. Espanyolen ibilbide laburra egin ostean, 2010ean talde zuri-gorrira itzuli zen eta klubaren bigarren golegile historikoa da, Telmo Zarraren atzetik soilik, 250 goleko muga gaindituta.
Aurrelariak, gainera, 47 aldiz jokatu du Espainiako selekzioarekin nazioartean 7 gol sartuta, eta Eurokopa batean (Suedia, 2013) eta Munduko Txapelketa batean (Kanada, 2015) parte hartu du.
Erika Vazquezek otsailaren 6an berdindu zuen Eli Ibarrak zuen talde zuri-gorriarekin jokatutako 413 norgehiagokako marka (Huelvaren aurka), eta maila gorenean jokatzen jarraitzeko gogo handiz jarraitzen du.
Jokatzen ari direnen artean, Nekane Diez aurrelaria eta Eunate Arraiza atzelaria ditu ondoren, 359 eta 280 partida jokaturik, hurrenez hurren. Gizonei dagokienez, Iker Muniain aurrelariak 483 partida jokatu ditu; Oscar de Marcosek berriz, 445. Oro har, Jose Angel Iribar zarauztarra da Athleticeko historian partida gehien jokatu dituena, 614ko markarekin.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.