Athleticek eta Huescak bina bukatu dute, etxekoek bi goleko abantaila izan eta gero
Athleticek eta Huescak bina bukatu dute San Mamesen, partida erakargarria jokatu ostean. Zuri-gorriak 2-0 joan dira aurretik, baina bisitariek markagailua berdintzea lortu dute lehiaren azken txanpan.
Lehen zatian, Berizzoren mutilek abiadura jarri nahi izan diote euren jokoari, baina ez dute zehaztasunik izan paseak emateko garaian. Ondorioz, urriak izan dira aurkarien ate inguruan sortu dituzten gol aukerak.
Alabaina, neurketa atsedenaldira heltzeko zorian zegoela, Williamsek zutoinera jaurti du, area barruan buelta-erdian jo duen baloi batean.
Partida goitik behera aldatu da bigarren zatia hasi bezain pronto, lau gol ikusteko parada izan baitute zelaian bildutako 36.000 ikusleek.
Horietako lehena Markel Susaetak sartu du. Eibartarrak minutu bat besterik ez du behar izan bere taldearen lehen gola egiteko, Williamsek area barruan utzitako baloi bat aprobetxatuta.
Golak mesede egin dio etxeko taldeari. Neurketaren agintea eskuratu du, eta handik gutxira etorri da bigarrena. Yuri Berchiche izan da golegilea, Williamsen beste pase on bat baliatuta.
Neurketa erabakita zegoela zirudienean, Huescaren erreakzioa iritsi da. 71. minutuan, Miramonek areaz kanpotik jaurti du, korner baten osteko aldaratzea harrapatuta, eta Unai Simon atezain zuri-gorriak ez du gelditzerik izan, aurrean zituen jokalarien artean igaro baita baloia.
Gol horrek biziberritu egin du Aragoiko taldea, eta ahalegin betean ekin dio markagailua berdintzeko ahaleginari. Hala, batzuek zein besteek aukera garbiak izan dituzte hortik aurrera. Horietako batean, Williamsek zutoinaren aurka bota du beste behin bere saiakera.
Haatik, barkatu ez duena Chimy Avila argentinarra izan da, boleaz gol ikusgarria lortu baitu 87. minutuan Huescarentzat. Horrenbestez, 2-2 amaitu da lehia.
Fitxa teknikoa:
Athletic Club 2: Unai Simon; De Marcos (Capa, 81. min), Yeray, Nolaskoain, Berchiche; Dani García, Raul Garcia, Muniain; Susaeta (Guruzeta, 84. min), Cordoba (Iturraspe, 70. min) eta Williams.
SD Huesca 2: Werner; Miramon, Pulido, Etxeita, Luisinho; Alex Gallar (Gürler, 68. min), Musto, Melero, Moi Gómez (Ferreiro, 61. min); Longo (Chimy Ávila, 77. min) eta Cucho Hernandez.
Golak: 1-0, 47. min: Susaeta. 2-0, 63. min: Berchiche. 2-1, 71. min: Miramon. 2-2, 86. min: Chimy Avila.
Epailea: Alberola Rojas. Txartel horiak: Dani Garcia eta Iturraspe (Athletic); Pulido eta Musto (Huesca).
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.