Alavesek Levante ahul bat jipoitu du Ibaian, eta Erregina Kopan aurrera egin du (4-0)
Alavesek erraz gainditu du Levante, Ibaian, Erreginaren Kopako hirugarren kanporaketan. Talde babazorroak Valentziako taldea jipoitu du (4-0).
Lehen kanporaketan Bizkerre (0-5) eta bigarrenean Racing (0-3) estutasunik gabe gainditu ondoren, Alavesek Levanteren aurkako konpromiso zailari aurre egin dio arratsaldean.
Levante Espainiako emakumezkoen futboleko klub historikoetako bat da, baina ez dabil bere sasoi onenean. Europarako txartela eskuratzeko borrokatzetik sailkapeneko azkena izatera igaro da.
Lehen ordu erdia oso parekatua izan da. Carmenek izan du babazorroen aukerarik argiena, eta Agamak Levante aurretik jartzeko abagunea izan du, baina Sofia atezainak geldiketa ederra egin dio.
Guallarrek berdinketa hautsi du atsedenaldira iritsi aurretik, eta Gasteizko taldea aurretik jarri du (39.min).
Atsedenaldiaren ostean, Andrea Esteban babazorroen entrenatzaileak 60. minutuan egin du lehen aldaketa. Paula Leon sartu da berdegunean Raquelen ordez.
Handik gutxira, Carmenek 2-0ekoa jarri du markagailuan (70. min). Golaren ostean Estebanek Navajasi atsedena eman dio, eta Almudena sartu du zelaian 73. minutuan. Jarraian, 74. minutuan, Merchek hirugarren gola egin du Alavesentzat, eta Paula Leonek laugarrena sartu du, 81.ean.
Zure interesekoa izan daiteke
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Sanchez Flores: "Egiten denak zerikusi handiagoa izango du emozionalarekin kirolarekin baino"
Alaveseko entrenatzaile berriak EA Sports Ligako 27. jardunaldiko partidaz hitz egin du. Aitortu du lan denbora mugatua izan dela taldea nahi bezala moldatzeko, baina talde sendoa izaten saiatuko direla esan du.
Facundo Garcesek ezin izango du neurketa ofizialik jokatu zortzi hilabetean
Kirola Arbitratzeko Auzitegiak (KAA) partzialki onartu du zazpi futbolariren helegitea, tartean Garces bera, eta norgehiagoka ofizialetara mugatu du FIFAk jarritako zigorra, agiriak faltsutzeagatik Malaysiako pasaportea lortzeko. Ondorioz, jokalari argentinarrak Alavesekin entrenatu eta lagunartekoak jokatu ahal izango ditu.
Quique Sanchez Flores, Alaveseko entrenatzailea: "Arima duen taldea da, gustatzen zait"
Quique Sanchez Flores Alaveseko entrenatzaile berria aurkeztu dute asteazken honetan, eta taldeari buruzko lehen iritziak eman ditu, baita etorkizunari begira dituen helburuak ere.
Quique Sanchez Flores, Alaveseko entrenatzaile berria
Gasteizko klubak Eduardo Chacho Coudet ordezkatzeko aukeratu du 61 urteko entrenatzailea; izan ere, River Plate taldeak Coudet fitxatu du. Sanchez Flores, EA Sports Ligan, Getafe, Valentzia, Atletico Madril, Espanyol eta Sevilla zuzendu ditu. 2028ra arte sinatu du Alavesekin.
Coudetek Alavesen entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.