Benavidezen golak Errege Kopako final-zortzirenetan sartu du Alaves (1-0)
Alaves Errege Kopako final-zortzirenetan sartu da Mendizorrotzan Betis taldea 1-0 kanporatuta. Arabarren gola Benavidezek egin du, bigarren zatian. Luis Garcia Plazaren taldea Betis baino gehiago izan da, eta merezita lortu du hurrengo kanporaketarako txartela.
Gasteizko taldeak oso ondo hasi du partida, eta Betis bere areatik atera ezinda aritu da. Arabarrek arriskua sortu dute landutako jokaldien bidez eta falta eta korner jaurtiketetan. Carlos Vicentek debuta egin du hasierako hamaikakoan, eta garrantzi handia izan du bere taldearen jokoan. Nahuel Tenagliak izan du Alavesen aukerarik argiena lehen zatian, baina horren burukadak zutoina jo du.
Jesus Owono atezaina oso seguru aritu da lehen 45 minutuetan, jokoan parte hartu behar izan duen aukera eskasetan. Minutuek aurrera egin ahala, Betisek hobera egin du, baina arriskurik sortu gabe.
Bigarren zatia ere erasoan hasi du Alavesek. Ikusleak gola ospatzear izan dira Kike Garciak buruz egindako erremate baten ostean, baina baloia kanpora atera da oso gutxigatik.
Arabarrek golaren bila jarraitu dute, eta lortu dute azkenean. Area barruan izandako erremate eta aldaratze batzuen ostean, Carlos Benavidezek baloia hartu, jaurti eta Rui Costa atezaina gainditu du, zaleen zoramenerako.
Amaierarako ordu erdiren faltan, Betisek aurrera egin du, berdinketaren bila, baina Alavesek ondo eutsi dio, eta, gainera, arabarrek ez diote erasoari uko egin. Markagailua ez da aldatu, eta Luis Garcia Plazaren taldeak eskuratu du final-zortzirenetako txartela.
Fitxa teknikoa
1 - Alaves: Owono; Sola (Gorosabel, 80. min), Tenaglia, Duarte, López; Guevara, Benavidez, Hagi (Giuliano, 66. min); Rioja (Abde, 80. min) Vicente (Blanco, 92. min) eta Kike García (Alkain, 92. min).
0 - Betis: Rui Silva, Aitor Ruibal, Pezzella, Mendy, Miranda; Marc Roca (Carvalho, 46. min), Altimira (Fekir, 71. min), Isco; Assane (Willian Jose, 71. min), Ayoze eta Rodri (Juan Cruz, 66. min).
Golak: 1-0, 57. min: Benavidez.
Epailea: Iglesias Villanueva (Galiziako batzordekoa). Txartel horia atera die Alaveseko Duarteri (88. min) eta Betiseko Marc Rocari (8. min) eta Mendyri (72. min).
Zure interesekoa izan daiteke
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.
Coudet: "Merezi duen seriotasuna eman behar zaio Kopako partidari"
Alavesek astearte honetan jokatuko du Portugaleteren aurkako kanporaketa. "Zelaia (La Florida) nahiko ondo dago", eskertu du entrenatzaile babazorroak, eta Portugaletek "talde zaila, joko nahiko zuzenakin", osatzen duela ohartarazi du.
Alavesek porrot egin du Bartzelonan, irabazten hasi bada ere (3-1)
Pablo Ibañezek lehen minutua bete baino lehen sartu du gola Alavesentzat. Alabaina, Hansi Flicken taldeak emaitza irauli du, Lamine Yamalek eta Dani Olmok sartutako golei esker.
Chacho Coudet: ''Buru aldetik azkarrak izan behar dugu''
Celtaren aurkako kolpearen ostean, taldea ondo dagoela adierazi du Coudetek, eta bederatzi urte joan eta gero Camp Noun irabazteko gogotsu dira babazorroak. Erronka zaila da eta argentinarraren ustetan, zerbait positiboa poltsikoratzeko buru aldetik azkarrak izan beharko dutela aitortu du.