Realak eta Alavesek puntuak banatu dituzte urteko lehen euskal derbian (1-1)
Realak eta Alavesek bana berdindu dute Reale Arenan jokatu den urteko lehen euskal derbian, EA Sports Ligako 19. jardunaldian. Luis Riojak sartutako penalti batek aurreratu ditu babazorroak, baina Zubimendik markagailua berdindu du azken unean.
Partida nahiko motel hasi da, Reala baloiaren nagusitasunarekin eta Alaves defentsan sendo. Baina lehenengo aukera bisitarien eskutik etorri da. Guridi area barruan sartu da, baina bere jaurtiketa kornerrera desbideratu du Zubeldiak azken unean.
Hala ere, Gipuzkoako taldeak jokoan nagusi izaten jarraitu du eta golean buka zitezkeen pare bat aukera arriskutsu sortu ditu. Horietako batean, Tenaglia garaiz iritsi da markagailua ireki zezakeen Oyarzabalen jaurtiketa eteteko.
36. minutuan, Remirok txartel gorria ikusi du Alavesen kontraeraso batean, atezainak baloia eskuarekin ukitu behar izan baitu areaz kanpoko irtenaldi txar baten ondoren. Unai Marrero sartu da haren ordez.
Bat gutxiagorekin egon arren, Realak kontrolarekin jarraitu du aldageletatik bueltan eta babazorroek beste susto bat hartu dute Siveraren irteera txar baten ostean, baina Rafa Marinek bere taldea salbatu du atepean.
Partidako une garrantzitsuena 74. minutuan iritsi da, epaileak Alavesen aldeko penaltia adierazi duenean. Etxekoen defentsak Luis Riojaren erdiraketa bat urrundu du, baina aldaratzea Guevarak jaso du eta, jaurtiketa egitera zihoanean, Merino aurrean jarri eta jokalaria lurrera bota du. Luis Riojak ez du 11 metroetatik huts egin (0-1).
Lau minuturen faltan, epaileak beste penalti bat adierazi du, oraingoan Realaren aldekoa, Zubeldiari egindako balizko falta bategatik, baina, VARa berrikusi ondoren, bertan behera utzi du erabakia.
Eta dena erabakita zegoela zirudienean, Zubimendik berdinketaren gola sartu du (1-1). Beraz, puntu banaketa urtea hasteko.
Fitxa teknikoa
1 - Reala: Remiro; Traore, Zubeldia, Le Normand, Tierney (Aihen, 94. min); Zubimendi, Merino, Brais (Sadiq, 86. min); Kubo (Zakharyan, 94. min), Silva (Marrero, 39. min) eta Oyarzabal (Barrenetxea, 87. min).
1 - Alaves: Sivera; Gorosabel, Tenaglia, Marin, Lopez; Guevara, Blanco (Vicente, 57. min), Guridi (Benavidez, 70. min); Rioja, Omorodion (Simeone, 70. min) eta Rebbach (Kike, 57. min).
Golak: 0-1, 76. min: Rioja, penaltiz. 1-1, 96. min: Zubimendi.
Epailea: Víctor Garcia Verdura. Txartel horia atera die Zubeldia, Traore, Oyarzabal, Rebbach, Omorodion, Sivera eta Kike jokalariei. Remiro kanporatu du txartel gorriarekin.
Zure interesekoa izan daiteke
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Osasunak Espanyolen aurka galdu du Sadarren (1-2), eta azken jardunaldian bermatu beharko du mailari eustea
Romerok, lehen zatian, aurretik jarri du Espanyol, Victor Muñozek berdinketa egin du atsedenaldiaren ostean, eta Kike Garciak, 53. minutuan, partidan erabakigarria izan den gola sartu du. Emaitza horrek dakar Osasunak 42 puntu dituela jarraitzen duela, alegia, hamazortzigarren postuan dabilen Gironak baino bi gehiago, eta hemeretzigarren tokian dagoen Mallorcak baino hiru gehiago.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Alavesek salbazioa ziurtatu du Oviedon irabazita (0-1)
Toni Martinezek lehen zatian sartutako golak hiru puntuak eman dizkie babazorroei, eta 43 punturekin maila gorenean jarraituko dutela ziurtatu dute.
?fmt=webp-alpha&qlt=80)
Xabi Alonsok Chelsea zuzenduko du hurrengo lau urteetan
44 urteko entrenatzaile euskalduna urtarrilean utzi zion Real Madril entrenatzeari Espainiako Superkopako finala Bartzelonaren aurka galdu ostean.
Bartzelona, Kopan ere nagusi
Kataluniako taldeak 12. Erreginaren Kopa irabazi du, hirugarrena jarraian, Atletico Madrili 3-1 irabazita.
Racing Lehen Mailara itzuliko da 14 urteren ondoren
Valladolid menderatu eta Almeriak bere partida galdu ostean, igoera matematikoki ziurtatu du Kantabriako taldeak.
Ezusteko porrota hartu du Eibarrek Leonen (2-1)
Armaginek bi gol jaso dituzte hiru minututan eta puntuek ihes egin diete maila ia galduta duen Cultural Leonesaren aurka. Corpasek aldea murriztu du, penaltiz, 86. minutuan.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.