Alavesek milaka zalerekin ospatu du igoera, Andre Maria Zuriaren plazan
Milaka pertsonak harrera egin diote Alavesi astelehen arratsaldean, Santander Ligara igo izana ospatzeko. Alavesek igotzeko play-offeko itzuliko partidan Levante 0-1 garaituta lortu zuen Lehen Mailarako txartela, Asier Villalibrek penaltiz luzapenaren azken minutuan egindako golari esker. Rober Pierrek eskuarekin ukitu zuen baloia area barruan, eta epaileak penaltia adierazi zuen, VARean jokaldia aztertu ostean.
Jokalariak 19:00etan atera dira Mendizorrotzako estadiotik autobus ireki batean, eta hiriko kaleetatik ibilbide luzea egin ostean, 20:00ak jota zirenean iritsi dira Andre Maria Zuriaren plazara. Bertan milaka zale zituzten zain.
Babazorroen igoera gauzatu zuen golaren egilea autobuseko lehen lerroan joan da, ikurrina astintzen, taldekideak eta teknikariak inguruan zituela. Askok sakelako telefonoarekin grabatu dute jendez lepo zegoen ibilbidea; zaleak, 40.000 inguru, jai-giroan izan dira denbora osoan, kamiseta eta puxika zuri-urdinak aldean, taldearen banderak astintzen. Gainera, ke urdina eta zuria zabaldu duten bengala ugari piztu dituzte.
Horrelako ekitaldietan ohikoa den ohorezko aurreskuaren ostean, Alaveseko jokalariak eta arduradunak elizan sartu dira, ordezkari politikoekin batera, Andre Maria Zuriari lore-eskaintza egiteko. Victor Laguardia kapitaina izan da Ama Birjinari loreak eskaintzeko arduraduna, eta Luis Garcia Plaza entrenatzaileak 'Igoera 2023' idatzita zuen kamiseta bat eskaini dio.
Pozak gainezka egin du, balkoian
Ondoren, jokalariak eta teknikariak banan-banan igo dira balkoira zaleak agurtzeko eta Alavesek bere 102 urteko historian seigarrenez lortutako igoera ospatzeko.
Alex Balboa harrobiko jokalariak zeremonia-maisuaren papera egin du. "Aurreko igoeran, ni hor behean nengoen", esan die zaleei, 2016ko igoera gogora ekarrita.
"Ez utzi amets egiteari, egunen batean ametsak bete egiten dira", adierazi die Gasteizko futbol jokalari gazteei.
Une gorena Asier Villalibrek bere tronpeta atera duenean iritsi da. Plazan bildutako milaka zaleak dantzan eta kantuan jarri ditu jokalari bizkaitarrak.
Ospakizunek jarraipena izango dute, asteartean, 13:30etik aurrera, Gasteizko Udalak eta Arabako Foru Aldundiak harrera instituzional bateratua egingo baitiote taldeari Gasteizko udaletxean.
Horrela kontatu dugu ospakizuna
Zure interesekoa izan daiteke
Toni Martinez: "Talde honek beti ematen du aurpegia"
Alaveseko jokalariak Betisen aurka lortutako garaipenari buruz (2-1) hitz egin du Mendizorrotzan jokatutako EA Sports Ligako 21. jardunaldian (adierazpenak gaztelaniaz).
Jaitsieratik ihes egiteko garaipena lortu du Alavesek Betisen aurka (2-1)
Sivera harresi bilakatu da atean, eta Carlos Vicentek eta Toni Martinezek sartu dituzte babazorroak jaitsiera postuetatik ateratzeko golak.
Chacho Coudet: "Etxean jokatzen dugu eta badakigu bertan indartsuagoak garela"
Alavesek Betis hartuko dute igande honetan Mendizorrotzan, EA Sports Ligako 21. jardunaldiari dagokion partidan. Aurkariaren hierarkia dela eta, garaipena lortzea oso garrantzitsua da babazorroentzat.
Denis Suarez: "Gaurko porrota gogorra da, baina Liga asko geratzen da"
Deportivo Alavesek 1-0 galdu du Atletico Madrilen aurka igande honetan Metropolitanon jokatu duen partida eta jaitsiera postuetara jaitsi da. Cholo Simeoneren taldea nagusi izan da, eta hainbat gol aukera izan ditu, baina bakarra sartu du, Sorlothen burukada bati esker, eta azkenean Madrilgo taldeak sufritu egin du emaitzari eusteko, Alavesek estu hartu baitu hondarreko minutuetan.
Ander Guevara: "Aurrerapauso bat eman behar dugu, autokritika egin, berriz ere irabaztera bueltatzeko”
Deportivo Alaves jaitsiera postuetan sartu da. Chacho Coudeten taldea 1 eta 0 erori da Atletico Madrilen aurka. Cholo Simeoneren taldea nagusi izan da, eta hainbat gol aukera izan ditu, baina bakarra sartu du, Sorlothen burukada bati esker, eta azkenean Madrilgo taldeak sufritu egin du emaitzari eusteko, Alavesek estu hartu baitu hondarreko minutuetan.
Alaves jaitsierako postuetara erori da, Atleticoren aurka galduta (1-0)
Alavesek ez du partida ona egin Metropolitanon, azken txanpan suspertu eta berdinketa lortzeko zorian izan bada ere. Sorlothek sartu du Atleticoren gola, bigarren zatia hasi eta berehala.
Coudet: "Kopari begira egonez gero, Bigarren Mailara goaz"
Alavesek Atletico Madrilen aurka jokatuko du igande honetan, Metropolitanon, EA Sports Ligako 20. jardunaldiko partida.
Coudet "pozik" azaldu da, eta "sentsazio oso onekin" geratu direla erantsi du
Alavesen entrenatzaileak Kopako final-laurdenetarako txartela lortu izana ospatu du, eta Rayo Vallecanoren aurka "partida oso ona" egin dutela uste du, "aurkari oso zaila baitzen".
Toni Martinezen eta Carlos Vicenteren golek final-laurdenetan sartu dute Alaves, Rayoren aurkako partida itxi batean (2-0)
Lehen zati orekatua hutsean berdinduta amaitu dute bi taldeek, baina atsedenaldiaren ostean Alavesek saria eskuratu du lehen minutuetan, eta jarraian aldapa gehiago leundu zaio Gasteizko taldeari, epaileak Isi Palazon egotzi baitu.
Coudet: "9 urte dira Alaves ez dela final-laurdenetarako sailkatzen, polita izango litzateke"
"Azken bost urteetako lehen itzulirik onena egin dugu, ez da gutxi, bihar final-laurdenetan sartzeko aukera dugu, eta duela bederatzi urte klubak ez du hori lortu; ez da kontu makala", azpimarratu du entrenatzaile babazorroak.