Alavesek gol zaparrada jaso du Camp Noun (5-1)
Alavesek 5-1 galdu du Bartzelonaren aurka, Caamp Noun. Etxekoen golak Leo Messik (2), Trincaok (2) eta Junior Firpo sartu dituzte. Luis Rioja izan da babazorroena erdietsi duena
Gaurkoarekin Bartzelonak jarraian lortzen duen zazpigarren garaipena da, bikain aritu den Messiren jokoaren eskutik. Dena dela, katalanei kostatu egin zaie lehen gola erdiestea, Abelardoren taldeak ondo eutsi baitio lehen ordu erdian
Trincao izan da neurketako estreinako gola lortu duena 29. minutuan, Ilaix Moriba debutariak arrasean emandako pasearen ostean egindako jaurtiketa batekin. Lehen zatia amaitzear zela (45+3) Messik markagailuko aldea handitu du, area kanpotik egindako jaurtiketa zehatz batekin.
Bigarren zatiaren hasieran, Lucas Perezek bere taldea partidan sartzeko aukera izan du baina ez du asmatu. Gerora, ordea, Iñigo Cordobaren lekua hartzeko zelairatu den Luis Riojak 2-1ekoa ezarri du 57. minutuan.
Orduko horretan, Riojak Moribaren akats bat baliatu du, baloia berreskuratu eta 30 metroko lasterraldiaren ostean Ter Stegen gainditzeko.
Bartzelona ez da urduri jarri markagailua estutu den arren. Trincaok 3-1ekoa gauzatzeko zorian izan da 62.ean, baina Pachecok gelditu bikaina egin dio portugaldarrari. Messik ere abagune garbia alferrik galdu du 64.ean, baita Griezmannek ere handik bi minutura.
Aitzitik, amaierarako ordu laurden falta zenean, Trincaok 3-1ekoa jarri du etxekoei arnasa emateko. Handik minutu batera Messik gol ikusgarria egin du (75. min), eta norgehiagokako azkena Junior Firpok sareratu du.
Fitxa teknikoa:
5 - Bartzelona: Ter Stegen; Mingueza (Dest, 72. min), Frenkie de Jong (Pjanic, 72. min), Lenglet, Junior Firpo; Sergio Busquets (Umtiti, 46. min), Riqui Puig, Ilaix Moriba (Pedri, 64. min); Trincao, Messi eta Griezmann (Dembélé, 81. min).
1 - Alaves: Pacheco; Martín Aguirregabiria (Laguardia, 46. min), Lejeune, Tachi, Rubén Duarte; Edgar Méndez, Battaglia, Tomás Pina (Pere Pons, 72. min), Íñigo Córdoba (Rioja, 46. min), Lucas Pérez (Deyverson Silva, 81. min) eta Joselu (Borja Sainz, 81. min).
Golak: 1-0, 29. min: Trincao. 2-0, 45+3. min: Messi. 2-1, 57. min: Luis Rioja. 3-1, 74. min: Trincao. 4-1, 75. min: Messi, 5-1, 80. min: Junior Firpo.
Epailea: Jorge Figueroa Vázquez. Txartel horiak: Martín Aguirregabiria eta Tachi (Alaves).
Zure interesekoa izan daiteke
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Sanchez Flores: "Egiten denak zerikusi handiagoa izango du emozionalarekin kirolarekin baino"
Alaveseko entrenatzaile berriak EA Sports Ligako 27. jardunaldiko partidaz hitz egin du. Aitortu du lan denbora mugatua izan dela taldea nahi bezala moldatzeko, baina talde sendoa izaten saiatuko direla esan du.
Facundo Garcesek ezin izango du neurketa ofizialik jokatu zortzi hilabetean
Kirola Arbitratzeko Auzitegiak (KAA) partzialki onartu du zazpi futbolariren helegitea, tartean Garces bera, eta norgehiagoka ofizialetara mugatu du FIFAk jarritako zigorra, agiriak faltsutzeagatik Malaysiako pasaportea lortzeko. Ondorioz, jokalari argentinarrak Alavesekin entrenatu eta lagunartekoak jokatu ahal izango ditu.
Quique Sanchez Flores, Alaveseko entrenatzailea: "Arima duen taldea da, gustatzen zait"
Quique Sanchez Flores Alaveseko entrenatzaile berria aurkeztu dute asteazken honetan, eta taldeari buruzko lehen iritziak eman ditu, baita etorkizunari begira dituen helburuak ere.
Quique Sanchez Flores, Alaveseko entrenatzaile berria
Gasteizko klubak Eduardo Chacho Coudet ordezkatzeko aukeratu du 61 urteko entrenatzailea; izan ere, River Plate taldeak Coudet fitxatu du. Sanchez Flores, EA Sports Ligan, Getafe, Valentzia, Atletico Madril, Espanyol eta Sevilla zuzendu ditu. 2028ra arte sinatu du Alavesekin.
Coudetek Alavesen entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.