Alaves – Osasuna derbia otsailaren 27an izango da, larunbatean
Ligak astelehen honetan jakinarazi ditu zein izango diren 25. jardunaldiko partiden ordutegiak.
Alavesen eta Osasunaren arteko derbia jokatuko da aipatu jardunaldian. Babazorroak Jagoba Arrasateren taldearen aurka arituko dira Mendizorrotzan otsailaren 27an, larunbatean, arratsaldeko 18:30etik aurrera.
Egun berean, baina ordu batzuk lehenago, 14:00etan, Eibarrek jaitsiera postuak saihesteko lehian aurkari zuzena den Huescaren bisita jasoko du Ipuruan.
Jardunaldia ostiralean hasiko da Levante – Athletic partidarekin. Sei egun geroago, aurkari berak izango dira aurrez aurre Ciutat de Valencia zelaian, Errege Kopako finalerdietako itzuliko norgehiagokan.
Azkenik, Realak itxiko du jardunaldia astelehenean, Real Madrilen aurka, Valdebebasen.
Zuri-gorriek zein txuri-urdinek 21:00etan hasiko dituzte euren neurketak.
Santander Liga (25. jardunaldia)
Otsailak 26, ostirala
(21:00) Levante – Athletic Club
Otsailak 27, larunbata
(14:00) Eibar – Huesca
(16:15) Sevilla – Bartzelona
(18:30) Alaves – Osasuna
(21:00) Getafe – Valentzia
Otsailak 28, igandea
(14:00) Celta – Valladolid
(16:15) Cadiz – Betis
(18:30) Granada – Elx
(21:00) Vila-real – Atletico Madril
Martxoak, 1 astelehena
(21:00) Real Madril – Real Sociedad
Zure interesekoa izan daiteke
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek Osasuna airean ibili du, Lucas Boyek partida ikusgarria eginda (5-2)
Alavesek ondo merezita irabazi du Osasunaren aurkako derbia Mendizorrotzan, eta bigarren kokatu da ligako sailkapenean. Lucas Boye izan da protagonista nagusia, hiru gol sartuta. Talde gorritxoaren bi golak, berriz, Ante Budimirrek egin ditu.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.