Alavesek porrot mingarria jaso du Vila-realen aurka
Alavesek porrota jaso du Vila-realen aurka (1-2) Mendizorrotzan jokatu duen Ligako 21. jardunaldiko partidan. Amaierarako bost minutu falta zirenean jaso du bigarren gola Arabako taldeak.
Bizi hasi da neurketa, bi taldeek erasokor ekin baitiote. Laugarren minutuan, Alavesek gola sartu du Luis Riojaren bitartez, baina pasea eman dion Lucas Perez jokoz kanpo egon da, eta epaileak baliorik gabe utzi du. Sei minutu beranduago etorri da Vila-realen erantzuna, eta Baccak 0-1ekoa sartu du. Albiolek baloi luzea jarri, Alaveseko defentsak kale egin, eta kolonbiarrak ez du barkatu Pacheco atezainaren aurrean.
Gola sartu ostean, Vila-real egin da baloiaren jabe, baina ez da gai izan abaguneak sortzeko. Alavesek ez du baloi-jabetza izan, baina arriskua eraman du aurkariaren ate ingurura. Aleix Vidalek abagunea izan du 21. minutuan; hala ere, jaurti beharrean pasea eman nahi izan dio Lucas Perezi eta aurrelaria ez da iritsi. Norgehiagokako 30. minutuan, Joseluk gora bidali du area kanpotik egindako jaurtiketa. Atsedenaldira heldu aurretik, Vila-realek bigarren gola sartzeko aukera izan du, baina Pacheco atezainak eragotzi du, Triguerosen errematea geldituta. Alavesek ere izan du berdinketa lortzeko abagunea; Asenjo atezainak, ordea, erantzun bikaina eman dio Aleix Vidalen jaurtiketari.
Bigarren zatiaren hasierari erasokor ekin dio Alavesek, eta abagunea izan du 57. minutuan Aleix Vidalen bitartez, baina Asenjok aurpegiarekin desbideratu du baloia Arabako taldeko jokalariaren aurrean. Hiru minutu beranduago, Manu Garciak buruz egin duen errematea desbideratu du Asenjok, berriro gola eragotziz. Erotu egin da partida, eta Vila-realek ere erantzun du 61. minutuan; Pachecok, erantzun bikaina eman dio Chukwuezeren jaurtiketari.
Partidako azken 25 minutuetan nagusi izan da Alaves. Asier Garitanok zuzentzen duen taldeak erasora jo du berdinketaren bila. Ekinean ibili da Alaves, eta gola sartzeko aukera argiak sortu ez dituen arren, arriskua eraman du aurkariaren ate ingurura. Arabako taldearen ekinak saria jaso du, 80. minutuan Joseluk sartu duen golarekin; Laguardiak pase luzea eman du, Joseluk buruz ukitu, Lucas Perezek area barrura pasea eman, eta Joseluk banakoa (1-1) sartu du.
Alavesek berdinketaren gola sartu ostean, ematen zuen neurketa berdinduta amaituko zela, baina Vila-realek gola sartu du 90. minutuan, Fernando Niñoren bitartez (1-2); Triguerosek pase bikaina eman, eta Niñok sare barrura bidali du errematea. Luzapenean saiatu da Alaves neurketa berdintzen, baina ez du aukerarik izan, eta Alavesek porrota jaso du.
Fitxa teknikoa:
1 - Alaves: Pacheco; Aguirregabiria (Burke, 91. min), Laguardia, Ely, Duarte; Aleix Vidal (Burgui, 73. min), Camarasa, Manu García, Luis Rioja (Sainz, 59. min); Lucas Perez eta Joselu.
2 - Vila-real: Asenjo, Mario, Albiol, Funes Mori, Alberto Moreno (Quintilla, 35. min); Iborra, Moi Gomez, Trigueros, Cazorla (Anguissa, 65. min), Chukwueze; eta Bacca (Niño, 88. min).
Golak: 0-1, m.11: Bacca. 1-1, m.80: Joselu. 1-2, m.90: Fer Niño.
Epailea: Munuera Montero. Txartel horiak atera dizkie Ely (45. min) eta Duarte (83. min) Alaveseko jokalariei, baita Quintilla (70. min) Vila-realeko futbolariari.
Zure interesekoa izan daiteke
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Sanchez Flores: “Helburua beteta, beste helburu txiki batzuk geratzen zaizkigu"
Deportivo Alavesek lasai ekingo dio azken egunari. Babazorroek Oviedoren aurka ziurtatu zuten Lehen Mailan jarraituko dutela. Dena den, Quique Sanchez Floresek dio taldeak badituela helburuak Rayoren aurkako neurketan ere, bestelakoak badira ere.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.
Asier Villalibrek Racing Santanderren jarraituko du, EA Sports Ligan
Gernikako aurrelariak Hypermotion Ligan jokatu du 2025-2026 denboraldia, Alavesek utzita. Rancingek lehen mailara igoera lortuz gero, Kantabriako taldeak jokalaria derrigor erosiko zuela adostu zuten bi taldeek, eta, beraz, bizkaitarrak Racingen jarraituko du.
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Alavesek salbazioa ziurtatu du Oviedon irabazita (0-1)
Toni Martinezek lehen zatian sartutako golak hiru puntuak eman dizkie babazorroei, eta 43 punturekin maila gorenean jarraituko dutela ziurtatu dute.
Quique Sanchez Flores: “Partida oso serio hartu behar dugu"
Alavesek EA Sports Ligan jarraitzea ziurta dezake igande honetan, Oviedoren aurka Tartieren jokatuko duen partidan.
Antonio Blanco: “Talde bat izanik, hau aurrera doala erakutsi dugu”
Deportivo Alavesek jaitsiera postuetatik ihes egitea lortu du Bartzelonari 1-0 irabazita. Partiduaren ostean, Antonio Blancorekin hitz egin dugu, eta zaleei eskerrak eman nahi izan dizkie Alavesen bizi izan duen “gaurik politenetako” batean. (Bideoa gazteleraz)
Diabatek txapeldunaren aurka sartutako gol batek mailari eusteko bidean jarri du Alaves (1-0)
Quique Sanchez Floresen taldeak ezerezean utzi du ligako txapeldunaren erasoa. Lehen zatia bizi joan da, eta Ibrahim Diabatek aurretik jarri du talde babazorroa, azken jokaldian.