Alavesek jipoia jaso du Atletico Madrilen aurka
Alavesek porrota jaso du Atletico Madrilen aurka (0-4) Ligako 29. jardunaldiko partidan. Talde koltxoneroa nagusi izan da hasieratik amaieraraino eta ez dio aukerarik eman Arabako taldeari.
Erritmo biziarekin hasi da norgehiagoka, bi taldeak erasokor zelairatu baitira. Neurketako lehen abagunea Atletico Madrilek izan du laugarren minutuan, Pacheco atezainak Sauli geratu dion jaurtiketaren bitartez. Minutu bat beranduago, Saulek berak sartu du 0-1ekoa. Ximo Navarrok baloia galdu du, Griezmannek jaso, pasea eman dio Sauli, eta honek ez du barkatu Pachecoren ate aurrean.
Maldan gora jarri zaio partida Arabako taldeari, eta, erreakzionatu orduko, Atleticok bigarren gola sartu du Diego Costaren bitartez (0-2), 11. minutuan. Aurrelari koltxoneroak jaurtiketa ikusgarria egin du area kanpotik, eta baloia sare barrura bidali du.
Bigarren gola jaso ostean, saiatu da Alaves aldeak murrizten. Hala ere, Abelardok zuzentzen duen taldeari asko kosta zaio abagune argiak sortzea. Brasanacek izan du gol aukera onena 23. minutuan, baina haren jaurtiketa kanpora joan da, baloiak Gimenezengan jo ondoren. Duarte ere saiatu da, baina jaurtiketa kanpora bota du. Neurketako 30. minutuan, Saulek atepetik atera du Pinaren errematea, eta Alavesen gola eragotzi du. Atsedenaldira iritsi aurretik, Jonyk izan du aldeak murrizteko aukera, baina ez du Oblak atezainaren aurrean asmatu, jokaldi ona egin ostean.
Bigarren zatian, bizitasuna eman nahi izan dio neurketari Alavesek. Atletico Madrilek, ordea, erritmo lasaiagoarekin jokatzea izan du helburu. Jony saiatu da koltxoneroen defentsa arazoetan jartzen, baina Alavesek ez du bere eguna izan. Partida erabakita utzi du talde bisitariak, Moratak 0-3koa sartu duenean, 59. minutuan. Alaveseko defentsa-lerroa aurreratuta egon da, eta horretaz baliatu da Morata, Pachecoren aurrean bakarrik geratzeko, eta baloia sare barrura bidaltzeko.
Hirugarren gola hartu ostean, aldeak murriztea izan du helburu Arabako taldeak. John Guidettik izan du gola sartzeko aukera bat, baina Oblak atezainak ondo geratu du suediarraren jaurtiketa. Atletico Madrilen erantzuna 69. minutuan etorri da, Pacheco atezainak Griezmannen gola eragotzi duenean.
Azken txanpan Patrick Twumasi zelairatu du Abelardok, eta Ghanako jokalariak bizitasuna eman dio Alavesen jokoari. Hala ere, talde gasteiztarrak ez du bere egun onena eduki, eta ezin izan du golik sartu. Atletico Madrilek, ordea, garaipena biribildu du 89. minutuan, Thomas Parteyk sartu duen gol ikusgarriaren bitartez (0-4).
Fitxa teknikoa:
0 - Alaves: Pacheco; Navarro, Ely, Laguardia, Duarte; Tomas Pina (Wakaso, 68. min), Darko (Inui, m.57), Manu; Jony, Guidetti eta Calleri (Twumasi, 73. min).
4 - Atletico Madril: Oblak; Juanfran, Gimenez, Godin, Filipe Luis; Koke, Thomas, Saul; Morata (Kalinic, 62. min), Griezmann (Correa, 76. min) eta Diego Costa (Lemar, 46. min).
Golak: 0-1, 5. min: Saul. 0-2, 11. min: Costa. 0-3, 59. min: Morata. 0-4, 84. min: Thomas.
Epailea: Melero Lopez. Txartel horiak atera dizkie Alaveseko Pina (49. min) eta Manu Garcia (56. min) jokalariei, baita Atletico Madrileko futbolariak diren Lemarri (54. min) eta Juanfrani (88. min).
Zure interesekoa izan daiteke
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).
Unai Roperok utzita jokatuko du hirugarren denboraldia jarraian, oraingoan Racing Ferrolen
Ibaiako harrobiaren aurrelari gasteiztarra Herculesen aritu zen utzita joan den denboraldian. Era berean, duela bi denboraldi Eldensen jokatu zuen utzita.
Alavesek lehenengo lan saioa egin du Ibaian
Quique Sanchez Floresek zuzentzen duen taldeak lehen entrenamendua egin du asteazken goizean. Hilaren 18an, Guardian, talde babazorroak bere lehen lagunartekoa jokatuko du, Eibarren aurka.
Protesoni: “Eskaintza batzuk entzun dira, baina ez nuen Gasteiztik alde egin nahi"
Atzelari uruguaitarrak 2028ra arte berritu du kontratua Alavesekin. Protesonik prentsaurrekoan adierazi duenez, "Quiquek (Sanchez Flores), iritsi denetik, konfiantza handia eman dit".
Alaves lanean hasi da, eta lehen azterketa medikuak burutu ditu
Multzoka, Gasteizko taldeko jokalariei mediku azterketak egiten hasi zaizkie. Asteazkenean izango du Alavesek denboraldiaurreko lehenengo entrenamendua.
Alavesek Oltra fitxatu du Sanchez Floresen laguntzaile gisa, lantalde teknikoa sendotzeko
Prestatzaile valentziarrak ibilbide luzea du aulkietan. Oltrak Huesca, Levante, Tenerife, Deportivo A Coruña, Kordoba, Granada, Recreativo de Huelva eta Eldense zuzendu ditu, besteak beste.
Itziar Gastearena, Elene Errasti, Jimena Vicario, Raquel Gil eta Vicky Chicak ez dute Alavesen jarraituko
Gastearena bi arotan izan da talde babazorroan. Errastik talde gasteiztarra utziko du bost denboraldiren ostean. Vicario eta Gil duela bi denboraldi iritsi ziren Alavesera, eta Chica joan den udan heldu zen Arabako hiriburura.
Aitor Mañasek 2030era arte berritu du Alavesekin, eta lehen taldera egin du jauzi
Aurrelari madrildarra aurreko denboraldian iritsi zen Gasteizera, Deportivo Aragon taldetik, Aragoiko bigarren taldean denboraldi bikaina egin eta gero.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.