Belgikak Senegal kanporatu du (3-2), eta AEBk Bosnia-Herzegovina (2-0), Munduko Txapelketako final hamaseirenetan
Sailkatzea lortu duten bi selekzioak nor baino nor gehiago arituko dira, datorren asteko astearteko goizaldean, final zortzirenetan. Belgikak luzapenean eskuratu du garaipena, 0-2ko emaitza berdinduta, eta AEBk argi menderatu du aurkaria.
Belgikako Youri Tielemans jokalaria, Senegalen aurkako bere bigarren golaren ostean; gol horrek Belgika sailkatu du. Argazkia: EFE.
Belgika eta AEB Mexikon, Estatu Batuetan eta Kanadan jokatzen ari diren Munduko futbol Txapelketako final-zortzirenetarako sailkatu dira, asteazken gauean eta ostegun goizaldean. Final-hamaseirenetan, Belgikako selekzioak Senegal kanporatu du, luzapenean, 3-2 irabazita, eta AEBk, ordea, Bosnia-Herzegovina utzi du txapelketatik kanpo, 2-0 menderatuta. Datorren asteko asteartean, 02:00etan, AEB eta Belgika nor baino nor gehiago arituko dira, final-zortzirenetan, final-laurdenetarako txartela jokoan.
Hala, Seattlen, golez eta emozioz betetako partida oso entretenigarrian, Belgikak Senegal mendean hartu du. Senegaleko selekzioak, Habid Diarrak 24. minutuan eta Sarrek 51.ean sartutako golen bidez, alde handia bereganatu du; Belgikak, baina, 1-2koa egin du, 86. minutuan, Lukakuri esker, eta horrek selekzio hori bultzatu egin du, 89. minutuan Tielemansek 2-2ko gola erdietsi baitu. Kanporaketa, horrenbestez, luzapenean erabaki da; 125. minutuan, alegia, neurketako azken jokaldietako batean, Tielemansek, penaltiz, 3-2koa sartu du.
San Frantziskon, AEB Bosnia-Herzegovina baino gehiago izan da, eta 2-0 irabazi du. Balogunek eta Tillmanek, 45. eta 82. minutuetan, markagailuan islatu dute AEBko selekzioak erakutsitako nagusitasuna, Baloguni berari bigarren zatian txartel gorria atera dioten arren. AEB sendo dabil Munduko Txapelketan, eta, arestian esan bezala, Belgikaren aurka izango du jokoan final-laurdenetarako sailkatzea.
Ondorengo orduetan, final-hamaseirenetako partida hauek jokatuko dituzte: 21:00etan, Espainia-Austria (Espainiarekin, baliteke Mikel Merino, Martin Zubimendi, Unai Simon eta Mikel Oyarzabal aritzea; Nico Williamsek ezingo du); 01:00etan, Portugal-Kroazia; eta 05:00etan, Suitza-Aljeria.
Kontsultatu 2026ko Munduko Txapelketako informazioa kirolakeitb.eus-en web orri berezian.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Kanek Ingalaterra erreskatatu du Kongoren aurrean (2-1), eta Mexikoren aurka jokatuko du final-zortzirenetan
Cipengak aurretik jarri du Kongoko Errepublika Demokratikoa aurreneko minutuetan, eta Mpasi atezain afrikarrak geldiketa ugari egin ditu, baina Bayern Municheko aurrelariaren bi golek markagailua irauli dute partidako azken ordu laurdenean.
-2?fmt=webp-alpha&qlt=80)
Bielsa, Koeman eta Beccacece aulkietako azken biktimak, Munduko Txapelketa honetan
"Amaiera hau, agur hau, oso mingarria da", onartu du Marcelo Bielsa Uruguairen hautatzaileak, kargua utziko duela iragarri ostean. Ronald Koeman prestatzaile holandarrak ere jakinarazi du ez duela kontratua berrituko Marokoren aurka galdu ostean. Era berean, Sebastian Beccacece Ekuadorren entrenatzaileak dimisioa eman du, Mexikoren kontrako porrotaren ondotik.
Frantziak eta Mexikok final-zortzirenetarako txartela lortu dute
Frantziako selekzioak Suediari irabazi dio (3-0) eta Paraguairen aurka jokatuko du final-zortzirenetan. Mexikok, bestalde, Ekuador menderatu du (2-0).
Haalanden eraginkortasunak erabaki du azken txanpan: Norvegia sailkatu da, Boli Kostari irabazita (1-2)
Antonio Nusa trebeak aurretik jarri ditu norvegiarrak atsedenaldira iritsi aurretik, baina Amad Diallok berdinketarako gola egin du 75. minutuan. Neurketa luzapenera zihoala zirudienean, Haaland agertu da, 86. minutuan, eta berdinketa desegin du.
Paraguai eta Maroko final-zortzirenetan, penaltietan irabazita
Paraguaiko selekzioak 3-4 garaitu zuen Alemania penaltietan; Marokoko taldeak, berriz, 2-3 irabazi zion Herbehereei, penaltietan baita ere.
Casemirok eta Martinellik Brasil berpiztu dute Japoniaren aurrean (2-1)
Japoniak historiarako balentria eskura izan du, Kaishu Sanok 30. minutuan markagailuan aurretik jarri ondoren, baina Brasilek, ikaragarri sufrituta, neurketa irauli du bigarren zatian.
Eustaquiok Kanada sailkatu du 93. minutuan, Hegoafrikari irabazita (0-1)
Garaipen horri esker, Kanada Munduko Txapelketako final-zortzirenetan izango da lehen aldiz. Maroko eta Herbehereen arteko norgehiagokako irabazlearen aurka jokatu beharko du.
Ingalaterrak helburua bete du, Argentina nagusi izan da eta Portugalek bidea zaildu du
Taldeen faseko azken jardunaldiak golak eta ezustekoak utzi ditu: Ingalaterra, Argentinak, Kolonbia eta Kroazia sailkatu dira. Portugalek, berriz, multzoko bigarren postuan bukatuta, bide zorrotzagoa izango du kanporaketetan. Txapelketa bere fase erabakigarrian sartu da orain, final-hamaseirenak zehaztuta.