Bartzelonak eta PSGk Txapeldunen Ligako finalaurrekoetarako sailkatzea lortu dute
Bartzelonak Txapeldunen Ligako finalaurrekoetarako txartela eskuratu du sei urte eta gero, Borussia Dortmund final-laurdenetako 5-2 kanporatuta (guztizko emaitza). Joanekoan, 4-0 izan zen nagusi; itzulikoan, berriz, 3-1 galdu du.
Hasiera-hasierati hartu zuen menpean Borussiak talde blaugrana, eta Serhou Guirassyk bi gol egin zituen: lehena, penaltiz, 11. minutuan, eta bigarrena, korner baten ostean, 49. minutuan. Ondoren, neurketa goitik behera aldatu egin zen, Bensebainik bere atean sartutako golarekin, eta Pedri zelairatu eta gero. Bartzelona neurketa menderatzen hasi zen.
Kataluniako taldeak hainbat aukera barkatu zituen, eta Araujoren akats baten ondorioz iritsi zen Guirassyren hirugarrena, Borussiarentzat. Handik aurrera, Bartzelona atzean sartu zen, finalaurrekoetarako sailkapena ziurtatzen zion emaitzari eusteko.
Jardunaldiko beste norgehiagokan, Paris Saint-Germainek egin du aurrera Txapeldunen Ligan, nahiz eta Aston Villaren aurka galdu (3-2). 0-2 hasi zen aurretik Frantziako taldea, baina ezin izan zion garaipenari heldu. Horrenbestez, joanekoan etxean izandako aldeko emaitza baliatu zuen kanporaketa menperatzeko. Arsenal ala Real Madril izango du aurkari hurrengo fasean.
Achraf Hakimi eta Nuno Mendes atzelarien golek, lehen ordu erdia baino lehen, konfiantza eman zieten Luis Enriqueren gizonei, baina Unai Emeryk entrenatzen duen taldeak markagailua irauli zuen, eta kanporaketa irabaztear geratu zen, gol bakarreko aldea baitzuen.
Finalaurrekoetarako dauden beste bi postuak asteazken honetako bi partidetan erabakiko dira: Inter Milan-Bayern Munich eta Real Madril-Arsenal.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.