PSG, Bartzelona, Bayern eta Inter Txapeldunen Ligako final-laurdenetan daude
Paris Saint-Germainek Txapeldunen Ligako final-laurdenak jokatzeko txartela eskuratu zuen asteartean, Liverpool penaltietan menderatuta (0-1 amaitu zen partida, eta penaltien ostean, 4-1). Bayern Munich eta Inter Milan ere hurrengo errondan dira, Bayer Leverkusen (0-2) eta Feyenoord (2-1) garaituta. Bartzelona ere sailkatu da, Benficari etxean 3-1 irabazita.
Joanekoan huts eta bateko abantailarekin etxeratu zen Liverpool Printzeen Parketik. Ingalaterrako taldea aurrea hartzen ahalegindu zen Anfielden, neurketa hasi bezain pronto, Nuno Mendesek moztutako Mohamed Salahren erremate batekin. Hala eta guztiz ere, 12. minutuan, Ousmane Dembélék baloia sarearen hondora bidaltzea lortu zuen, eta Frantziako taldea aurretik jarri zen. Emaitza horrekin iritsi ziren amaierara; beraz, luzapena jokatu behar izan zuten. Horrekin ere ez zenez egoera aldatu, penaltietan erabaki zuten kanporaketa, PSGri final-laurdenetara sailkatzea ahalbidetu zion lau eta batekoarekin.
BayArenan, Bayern Munich izan zen nagusi Xabi Alonsoren Bayer Leverkusenen aurka (0-2), eta final-laurdenetarako sailkatu zen. Joanekoan ere irabazi zion. Harry Kane (52. min) eta Alphonso Davies (70. min) izan ziren golegileak. Hala, Vincent Kompanyren gizonek Inter Milan izango dute aurkari, Italiakoek Feyenoord kanporatu baitzuten (2-1) joan den astean Herbehereetan etxeratutako garaipena berretsita. Marcus Thuramek sartu zuen Interren lehen gola, 8. minutuan, area kanpotik egindako jartiketa batekin, baina Feyernoordek atsedena baino lehen partida berdindu zuen penaltiz, Jakub Moderi esker. Ondoren, Inter Milanen aldeko penalti batek eman zion behin betiko garaipena.
Azkenik, Bartzelonak Benfica Txapeldunen Ligatik kanpo utzi zuen, Lluis Companys Olinpiar Estadioan jokatutako itzulikoan (3-1). Final-laurdenetan, Alemaniako Borussia Dortmund ala Frantziako Lille izango dute arerio. Kataluniako taldeak joanekoan Lisboan sartutako golaren abantailarekin ekin zion norgehiagokari, eta kanporaketa lehen zatian utzi zuen erabakita: Lamine Yamal eta Raphina (2) izan ziren golegileak; bisitarien gola, ostera, Nicolas Otamendik sinatu zuen.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.