Manchester Cityk play-offa jokatuko du Brujasen aurka emaitza iraulita; Liverpoolek lehen postuan bukatu du
Manchester Cityk Txapeldunen Ligak play-offa jokatzeko sailkatzea lortu zuen asteazken honetan, Brujasen kontrako partida iraultzea lortuta (3-1), Etihad Stadium zelaian, liga faseko azken jardunaldian. Liverpoolek amaitu du lehen tokian, nahiz eta fase honetako lehen porrota jaso.
Aipatzekoa da, halaber, Unai Emeryren Aston Villa, Mikel Artetaren Arsenal eta Xabi Alonsoren Bayer Leverkusen Top 8an geratu direla, eta, hortaz, zuzenean eskuratu dutela final zortzirenak jokatzeko aukera. Bestetik, Bartzelona, Inter Milan, Atletico Madril eta Lille ere lehen zortzi sailkatuen artean daude.
Azkenean, beraz, City play-offetan izango da, liga fasea 22. lekuan bukatu eta gero. Horrenbestez, Real Madril (12. postuan, Brest 0-3 mendean hartuta) eta Bayern Munich (11., Slovan Bratistalavari 3-1 irabazita) izan daitezke ingelesen aurkariak.
Era berean, play-offak jokatzeko multzoan daude Borussia Dortmund, Shakthar 3-1 garaituta, Benfica, Juventusi 0-2 irabazi ostean, eta PSG, Stuttgarten aurrean 1-4 nagusi izan da eta. Lehiatzen jarraituko du, oro bat, Sporting Portugalek, Boloniaren kontra bana berdindu ondoren. Zerrenda osatzen duten taldeak honako hauek dira: Milan, PSV, Monaco, Brest Feyenoord, Juventus, Celtic eta Brujas.
Azkenik, Txapeldunen Ligatik at geratu dira hamabi talde: Dinamo de Zagrev, Stuttgart, Shakthar, Bolonia, Izar Gorria Belgrad, Sturm Graz, Sparta Praga, Leipzig, Girona, Salzburgo, Slovan Bratislava eta Young Boys. Azken bi talde horiek ez dute punturik lortu.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.