Borussia Dortmundek ez du hutsik egin Zagreben eta Liverpoolek nagusitasunez menderatu du Real Madril
Borussia Dortmundek lortu du Txapeldunen Ligako liga faseko laugarren postura gora egitea, asteazken honetan Dinamo Zagrebi 0-3 irabazi baitu. Alemaniako taldeak indartsu ekin dio neurketari Maksimir estadioan, Rami Bensebanik gidatutako erasoari esker, Kroaziako taldearen atea inguratu baitute.
Bestetik, Liverpoolek nagusitasunez hartu du mendean Real Madril (2-0), Alexis Mac Allister argentinarraren eta Cody Gakpo nederlandarraren golekin. Ingalaterrako taldea izan da nagusi erasoan, Madrilekoaren bizitasun faltaren aurrean. Egungo txapeldunak jokatutako 15 puntuetatik sei baino ez ditu eskuratu; beraz, orain arte, inoizko Txapeldunen Ligako multzoen fase okerrena egiten ari da.
Unai Emeryren Aston Villak eta Juventusek hutsean utzi dute markagailua. Emaitza horrekin, Emeryren taldearen esku dago oraindik kanporaketetara aurrera egiteko aukera. Villak gola sartu du luzapenean, baina Michele Di Gregoriori egindako falta baten ostean, VARak bertan behera utzi du. Bederatzigarren daude orain, 10 punturekin, Monakorekin berdinduta; Italiako taldea, berriz, 19. dago, azken hiru jardunalditan ez dutelako irabazi.
Monakok galdu egin du lehen aldiz Europan denboraldi honetan (2-3), Benficaren kontra, nahiz eta bitan aurreratzea lortu duen. 58. minutuan, Wilfried Singo kanporatu dute, eta bat gutxiagorekin jokatzeak eragina izan du.
Horrez gain, Philips Stadion zelaian, PSV Eindhovenek markagailua irauli du azken minutuetan Shakhtar Donetski sartutako hiru golekin (3-2). Izan ere, Pedrinhok txartel gorria ikusi du, eta Ukrainako taldeak ezin izan dio neurketari eutsi. Danylo Sikan eta Oleksandr Zubkov jokalarien golek aurrean jarri dute Shakhtar, baina bat gutxiago izanda, PSV Eindhovenek garaipena erdietsi du azkenean. Malik Tillman (87. eta 90. minutuetan) eta Ricardo Pepi (95. ean) izan dira golegileak.
Gainerako emaitzei dagokienez, Lille play-offetarako postuetan sendotu da, Boloniari Renato Dall'Aran 1-2 irabazita; Celticek eta Brujasek puntuak banatu dituzte banako berdinketarekin. Azkenik, Izar Gorriak lehen garaipena poltsikoratu du etxean, Stuttgart 5-1 menderatuta, eta Sturm Graz Gironari nagusitu zaio 1-0, Mika Bierethek bigarren zatian sartutako golari esker.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.