Bartzelonak porrotarekin debutatu du, Leverkusen bikain estreinatu da eta Arsenalek golik gabe berdindu du
Bartzelonak porrotarekin debutatu du Txapeldunen Ligan, Monakoko Luis II.a Estadioan (2-1), 11. minututik jokalari bat gutxiagorekin jokatuta, Eric Garciak txartel gorria ikusi baitu.
Monako aurreratu da Aklioucheren gol batekin, baina Lamine Yamalek berdinketa jarri du markagailuan ordu erdi betetzear zenean. Katalanek 70. minutura arte eutsi diote emaitzari, Ilenikhenak garaipenaren gola sartu duen arte.
Atletico-Leipzig partidan, Gimenez agertu da taldea salbatzera partida berdinduta amaitzekoa zenean, ia azken hasperenean, Antoine Griezmannen pasea jaso ondoren. Baloia Leipzigen atean sartu du bere taldeari garaipena emateko (2-1). Aurretik, frantziarrak sartu du lehen gola.
Mikel Artetaren Arsenalek 0-0 berdindu du Atalantarekin, David Raya atezain espainiarra protagonista izan duen partidan, eta Xabi Alonsoren Bayer Leverkusenek 0-4 jipoitu du Feyenoord.
Bai Artetak bai Gian Piero Gasperinik ondo asmatu dute aurkariari bere jokoa egiteko trabak jartzen, baina Atalantak aurrera egin du. Lehen zatia hobeto bukatu du etxeko taldeak, eta, bigarren ekitaldiaren hasieran, jokaldirik garrantzitsuena iritsi da, Rayak bi geldiketa bikain egin baititu.
Espainiako atezainak penalti bat gelditu dio Mateo Reteguiri, eta baloia aldaratu ostean, baita errematea ere. Arsenalek ez du arintasunik aurkitu bere jokoan, eta golik gabeko estreinaldia ontzat eman behar izan du, puntu bakarra eskuratuz.
Bitartean, Leverkusenek suziri bat bezala hasi du txapelketa, De Kuip estadioan, gol zaparrada batekin. Florian Wirtz eta Victor Bonifaceren golak (bakoitzak bi egin ditu) Bundesligako txapeldunaren aurkezpena izan dira.
Gainerako partidetan, Benficak 1-2 irabazi dio Izar Gorriari, eta Brestek 2-1 irabazi dio Sturm Grazi.
Zure interesekoa izan daiteke
Bodo/Glimtek historia egin du, Inter Milan Txapeldunen Ligatik kanporatuta
Talde norvegiarrak 0-2 irabazi zion Inter Milani final-zortzirenetako playoffetako itzulerako partidan. Bayer Leverkusenek eta Newcastlek ere final-zortzirenetara aurrera egitea lortu dute.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.