Real Madrilek eta Manchester Cityk bana egin dute Txapeldunen Ligako joaneko finalaurrekoan
Real Madrilek Etihad Stadiumen lortu beharko du Txapeldunen Ligako finalerako txartela, astearte honetan Bernabeun Manchester Cityren aurka jokatutako joaneko finalaurrekoan bana egin ostean. Partida irekiagoa izan da bigarren zatian, eta ikusitako bi golak bikainak izan dira: Viniciusek eta De Buynek egin dituzte. Erling Haaland ingelesen izarrak ez du aurreikusitako arriskua sortu.
Lehen gola ekarri duen jokaldian, Modricek pase ederra eman dio Camavingari, honek aurrera egin du aurkariak atzean utzita eta pase bikaina eman dio Viniciusi honek baloia sareetara bidaltzeko. Real Madrilek lehen zatian hiru zutoinen artean egindako jaurtiketa bakarra izan da.
Atsedenaldiaren ostean, partidak erritmo biziagoa izan du eta orduan iritsi da Guardiolak zuzendutako taldearen gola. De Bruyne protagonista izan da zelaian eta berak egin du banakoa 67. minutuan jaurtiketa indartsu baten bidez.
Azken minutuetan, Real Madrilek ez du arrisku handirik hartu nahi izan, City saiatu da, baina zorte handirik gabe. Berdinketarekin, finalerako txartela zeinek lortzen duen itzuliko partidan erabakiko da.
Fitxa teknikoa
1 – Real Madril: Courtois; Carvajal, Rüdiger, Alaba, Camavinga; Kroos (Tchouaméni, 84. min), Modric (Nacho, 87. min), Fede Valverde; Rodrygo (Marco Asensio, 81. min), Vinícius, Benzema.
1 – Manchester City: Ederson; Walker, Stones, Dias, Akanji; Rodri, Gündogan; Grealish, De Bruyne, Bernardo Silva; eta Haaland.
Golak: 1-0, 36.min Vinicius; 1-1, 67. min De Bruyne.
Epailea: Artur Dias (Portugaldarra). Txartel horia atera die Real Madrileko Kroos, Ancelotti eta Camavingari, eta Manchester Cityko Gündogan eta Bernardo Silvari.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.