Benfica eta Chelsea, Txapeldunen Ligako final laurdenetara, Brujas eta Borussia Dortmund kanporatuta
Benficak eta Chelseak aurrera egin dute Txapeldunen Ligan astearte gauean, eta final laurdenetarako sailkatu diren lehen taldeak dira, Brujas eta Borussia Dortmund kanporatuta. Portugalgo taldeak 5-1 menderatu du etxean Belgikakoa, joaneko partidan 0-2 irabazi ostean, eta Londresko taldeak, aldiz, Alemaniako 1-0ekoa gainditu du, etxean 2-0 nagusituta.
Testuinguru horretan, Benficak berretsi egin du, berriro ere, multzo fasean egindako lan bikaina. Paris Saint-Germain edo Juventus talde handien aurka erakutsi zuen Benficak zer egiteko gai den, eta Brujasen aurkako kanporaketan, final zortzirenetan, ez dio arerioari inolako aukerarik eman. 5-1 irabazi dute portugaldarrek, eta Belgikan ere lortu zuten emaitza argia, 0-2koa hain zuzen. Gonçalo Ramos izan da jokalaririk onena astearteko partidan; izan ere, bi gol egin ditu, eta bere taldearen erasoko jokoa zuzendu du.
Rafa Silvak, Joao Mariok eta David Neresek egin dituzte Benficaren beste hiru golak; Brujasen aldetik, Meijerrek sartu du gol bakarra, 5-1ekoa, partidako 87. minutuan.
Beste kanporaketa, Stamford Bridge futbol zelaian erabakitzekoa zena, askoz ere estuagoa izatea espero zuten, eta aurreikuspena bete egin da. Borussia Dortmundek 1-0 hartu zuen mendean Chelsea joanekoan, eta alemaniarrek abantaila zuten, beraz, itzuliko neurketarako; Ingalaterrako taldeak, baina, 2-0 menderatu du Borussia, Sterlingek eta Havertzek sartutako golei esker, eta aurrera egitea lortu du.
Sterlingek lehen zatiko amaieran egin du bere gola, eta Havertzek, aldiz, bigarren zatiko hasieran sartu du, penaltiz. Alemaniarrek hamar garaipen jarraian zeramatzaten, txapelketa guztiak kontuan izanik, baina bolada bikain hori amaitu egin zaie Londresen.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.