Marokok finalerdietarako txartel historikoa lortu du Portugali irabazita (1-0)
Marokok Portugal garaitu du (1-0) Qatarko Munduko Txapelketako final-laurdenetan. Garaipen historikoari esker, finalerdietarako sailkapena lortu duen lehen talde afrikarra da Maroko. En-Nesyri izan da partidako golegilea.
Norgehiagoka bizi hasi da, erritmo eta intentsitate handiarekin. Bi taldeen lehen aukerak geldikako jokaldietan iritsi dira, baina Joao Felixek eta En-Nesyrik ez dute asmatu aurkariaren ate aurrean. Neurketa orekatuta mantendu da. Portugalek baloiaren jabetza izan du, baina marokoarrak arriskuarekin atera dira kontraerasora.
31. minutuan Joao Felixek saiakera arriskutsua egin du area kanpotik: aurrelariak aldaratzea jaso du area ertzean, eta bere jaurtiketa El Yamiq defentsak desbideratu du kornerrera. Hiru minutu beranduago Marokok izan du aukera, baina gora jaoan da Amallah erdilariak egindako jaurtiketa.
Partida, alternantziaz josia, are gehiago erotu da En-Nesyri marokoarren estreineko gola egin duenean 42. minutuan: Attiat-Hallah eskuin-hegaleko jokalariak erdiraketa loratua egin du, eta En-Nesyrik Diogo Costa atezainaren hutsa baliatu du gola sartzeko (1-0).
Portugaldarrek lehia berdintzeko aukera izan dute kolpea jaso eta gutxira, baina langara joan da Bruno Fernandesen erdiraketa itxia. Horrela iritsi da neurketa zirraragarria atsedenaldira Al Thumama estadioan (Doha).
Atsedenalditik bueltan, bigarrena sartzeko aukera izan du Marokok, baina El Yamiqen burukada Diogo Costak gelditu du. Fernando Santos Portugalgo entrenatzaileak aldaketa erasokorrak egin ditu, Cristiano Ronaldo eta Joao Cancelo zelairatuta.
Afrikarrak gero eta atzerago defendatzen hasi dira, eta Portugalek abaguneak izan ditu: Gonçalo Ramosek kanpora bidali du burukada, eta gora joan da Bruno Fernandesen jaurtiketa bortitza.
82. minutuan Portugalek neurketako abagune argiena izan du: horma bikaina egin eta gero, Joao Felixek jaurtiketa indartsua atera du, baina Bonok gola eragotzi du, geldiketa apartarekin.
Luzapenean, azken bi aukerak iritsi dira; Ronaldok ezin izan du Bono gainditu area barrutik egindako jaurtiketarekin, eta, ondoren, kanpora joan da Pepek area txikitik egindako errematea.
Fitxa teknikoa:
1 - Maroko: Yassine Bono; Achraf Hakimi, Jawad El Yamiq, Romain Saiss (Achraaf Dari, 57.min), Yahya Attiat-Allah; Sofyan Amrabat, Azzedine Ounahi, Selim Amallah (Walid Cheddira, 65.min); Hakim Ziyech (Zakaria Aboukhlal, 82.min), Youseff En Nesyri (Badr Benoun, 65.min) eta Sofiane Boufal (Yahya Jabrane, 82.min).
0 - Portugal: Diogo Costa; Diogo Dalot (Ricado Horta, 79.min), Pepe, Ruben Dias, Raphael Guerreiro (Joao Cancelo, 51.min); Ruben Neves (Cristiano Ronaldo, 51.min), Otavio (Vitinha, 69.min); Bernardo Silva, Bruno Fernandes, João Felix; eta Gonçalo Ramos (Rafael Leao, 69.min)
Gola: 1-0, 42.min: En-Nesyri.
Epailea: Facundo Tello (ARG). Walid Cheddira kaleratu du (93.min). Txartel horiak atera dizkio Achraf Dariri (70.min) eta Vitinhari (87.min).
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.