Saudi Arabiak ezusteko handia eman du Argentina mendean hartuta (1-2)
Argentinak kolpe handia jaso du astearte honetan Qatarko Munduko Txapelketan, Saudi Arabiaren aurka galdu baitu (1-2) C multzoko lehen jardunaldian. Asiako taldea Leo Messik lehen zatian penaltiz sartutako gola iraultzeko gai izan da bigarrenean, Alshehriren eta Aldawsariren golei esker.
Scaloniren hamaikakoa oso indartsu zelairatu da hasierako minutuetan, aurkariari beldurra eraginez, baina saudiarrek berehala utzi diote beldur izateari, hau da, markagailuan azpitik zeudela ikusi bezain laster. Izan ere, hamargarren minuturako Messik gola lortu du penaltiz, VARak antzeman egin baitu Saud Abdulhamidek Leandro Paredesi heldu diola area barruan.
Gola jaso ostean, piztu egin da Saudi Arabia. Erasokorrago agertu da, eta buruhausteak sortu dizkio Hego Amerikako taldeko atzealdeari. Dena den, kamuts agertu da azken metroetan. Hori bai, Herve Renardek zuzendutako taldeak, jokoz kanpoaren tresna lagun zuela, argentinarren erasoaldiak bertan behera uzteko gai izan da. Horren adierazle da VARak argentinarrei zortzi minuturen buruan baliogabetu dizkien hiru gol, bat Messiri eta beste bi Lautaro Martinezi.
Baina gero, bigarren zatian, goitik behera aldatu da guztia. Neurketa erabat ireki da. Ordura arte, Saudi Arabiak apenas sortu du arriskurik, baina gero egin du. Lehenengo, Firas Al Buraikanen erdiraketa on batean, Saleh Al Shehrik Emiliano Martinez atezainarengandik urruti gurutzatu du pilota. Sei minutu geroago, Salem Al Dawsaik gol aparta lortu du areaz kanpotik zartako bikain batekin, lau defentsa agerian utzi ostean.
Markagailuan atzetik zegoela, Scalonik hiru aldaketa egin ditu aldi berean, eta Enzo Fernandez, Julian Alvarez eta Lisandro Martinez zelairatu ditu konponbideen bila. Tagliaficok geltu izan du berdinketa 63.ean, baina Al-Owaisek geldiketa bikaina egin dio.
Atezain arabiarra gainditu ezinezko horma bihurtu da argentinarrentzat, haien aukerak bata bestearen ondotik zapuztu baititu. Argentinak behin eta berriz bilatu ditu Angel Di Mariaren barneraldiak, baina haren erdiraketek ez dute inoiz errematatzailerik aurkitu.
Horrela, Argentina txapelketan beste hutsik egiteko tarterik gabe geratu da Mexikoren eta Poloniaren aurkako neurketetan.
Fitxa teknikoa:
1 - Argentina: Emiliano Martínez; Nahuel Molina, Nicolás Otamendi, Sergio Romero (Lisandro Martínez, 58. min), Nicolás Tagliafico (Marcos Acuña, 70. min); Leandro Paredes (Enzo Fernández, 58. min), Rodrigo De Paul, Papu Gómez (Julián Álvarez, 58. min); Messi, Ángel Di María, Lautaro Martínez.
2 - Arabia Saudí: Mohammed Khali Al-Owais; Saud Abdulhamid, Hasan Al-Tambakti, Ali Al-Bulaihi, Yasir Al-Shahrani; Abdulealh Almalki (Abdulelah Al Amri, 88. min), Mohamed Kanno, Salman Al-Faraj (Hattan Bahebri, 45+3. min) ; Salem Al-Dawsari, Feras Al-Buraikan (Haitham Asiri, 88. min), Saleh Al-Shehri (Sultan Al Ghannam, 78. min).
Golak: 1-0, 10. min: Messi, penaltiz. 1-1, 48. min: Saleh Al Shehri. 1-2, 53. min: Salem Al Dawsari.
Epailea: Slavko Vincic (Eslovenia). Txartel horiak: Abdulealh Almalki, Ali Al Bulaihi, Salem AlDawsari, Saud Abdulhamid eta Awaf Al Abed.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.