Tottenham eta Eintrachtek egin dute aurrera D multzoan; Liverpool, bigarren A multzoan
Tottenham talde ingelesak eta Eintracht Frankfurt talde alemaniarrak Txapeldunen Ligako D multzoko final-zortzirenetarako bi txartelak eskuratu zituzten bart. Liverpoolek, berriz, Napoliren bolada onarekin amaitu arren, A multzoko bigarren postuan amaitu zuen.
Europako futbol txapelketa nagusiaren multzoen faseko azken jardunaldia D multzoan zegoen ikusminarekin ireki zen; izan ere, multzoa osatzen zuten lau taldeek zeukaten aukera otsailean jokatuko diren kanporaketetan egoteko.
Azkenerako, Tottenham (lehen postuan) eta Eintracht (bigarren tokian) izan ziren sailkapena lortu zutenak, etxetik kanpo lortutako garaipenei esker (1-2), Olympique Marseillaren eta Sporting Portugalen aurka, hurrenez hurren.
Ingelesek sufritu egin zuten Velodrome zelaiko giro ezin beroagoan. Etxekoak aurretik jarri ziren atsedenaldiaren atarian, Mbembaren golarekin. Hala ere, Antonio Conteren mutilek berdinketa lortu zuten bigarren zatiaren hasieran, Clement Lengleten bitartez; eta, luzapenean, kontraeraso batean, Hojbjerg danimarkarrak egin zuen garaipenaren gola.
Erdilariaren golak multzoko lehen postuan pasatzeko aukera kendu zion Eintrachti. Europa Ligako txapelduna onik atera zen Jose Alvaladetik. Nahiz eta etxekoek aurrea hartu zuten markagailuan, atsedenaldia baino lehen, Arthur Gomesi esker, bigarren zatian, Sportingek behera egin zuen. Hala, Olivier Glasnerren mutilek eutsi egin zioten, eta Kamadak penaltiz erdietsitako berdinketaren ondoren, Muanik markagailua irauli zuen guztiz.
Astearteko beste arreta puntua Anfielden zegoen, non Liverpoolek Napoli jipoitu behar zuen Italiako taldeari multzoko lehen postua kentzeko. Jurgen Kloppen mutilek partida bikaina jokatu zuten, baina garaipenaren saria besterik ez zuten aurkitu Mo Salah eta Darwin Nuñezen golekin.
A multzoko beste partidan, Glasgow Rangerseko eskoziarrek Ajaxi Europa Ligako postua kentzeko aukera gutxi zuten, baina herbeheretarrek 1-3 irabazi zuten Ibrox Parken. Berghuisek, Kudusek eta Conceiçaok egin zituzten bisitarien golak, eta Tavernierrek, etxekoena.
Halaber, jardunaldiak Atletico Madril Europako txapelketatik guztiz kanpo geratzea ekarri zuen, ezin izan baitzuen ezer lortu O Dragaon, eta Bayer Leverkusenek Brujasen aurka lortutako golik gabeko berdinketak Xabi Alonsoren taldeari aitortu zion Europa Ligara igarotzeko txartela. B multzoko lehen postua Portorentzat izan zen.
Azkenik, C multzoan, Bayern izan zen puntu guztiak lortu zituen bakarra, 2-0 gainditu baitzuen Inter Milan Allianz Arenan, Pavard atzelari frantziarraren eta Choupo-Moting aurrelari kamerundarraren golekin.
Bartzelonak, bere aldetik, agur esan zion Txapeldunen Ligan parte hartzeari, Doosan Arenan garaipen erosoa lortuta (2-4) Viktoria Pilsenen aurka.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.