Txapeldunen Ligako finalaren hasiera ordu erdiz atzeratu behar izan dute "segurtasun arrazoiengatik"
Real Madrilek eta Liverpoolek jokatu beharreko Txapeldunen Ligako finala ordu erdi atzeratu da, Stade de France (Saint Dennis) futbol-zelaira sartzerakoan talde ingeleseko jarraitzaileak eragindako arazoen ondorioz, eta, UEFAk adierazi duenez, baita "segurtasun arrazoiengatik" ere.
Ingelesen eta madrildarren arteko partida 21:00etan hastekoa bazen ere, 21:15etara atzeratu da hasiera batean. Hala ere, gerora, 21:36etan hastea erabaki du UEFAk, Liverpooleko jarraitzaileek estadiora sartzeko zituzten arazoak konpondu ahal izateko.
Zaleak sarrerarik gabe
Sarrerarik gabeko ehunka zale sartu dira bultzaka Saint Dennis zelaira, segurtasun neurriak gainditzeko asmoz. Irudi horrek gogora ekarri du iaz Eurokopan bizitakoa; izan ere, orduko hartan ehun bat lagunek Wembleyko elbarrientzako sarbideetan sartzea lortu zuten, UEFAk inoiz jasan duen antolakuntza-kaos handienean. Egoera hori 90 atxiloturekin amaitu zen, baina horrek ez zuen eragin Italiaren eta Ingalaterraren arteko finala atzeratzerik.
Oraingoan, ordea egoera okerragoa izan da: partidara ikustera zihoazen milaka zalek Saint Denniseko ilaretan bi ordu baino gehiago zain egon behar izan dute, estadiotik hurbilen dagoen metroan pertsonen tapoiak eragin dira, eta, gainera, hainbat pertsonak hesiak saltatu dituzte eta segurtasuneko langileei eraso diete estadiora sartu ahal izateko.
UEFAren oharra
UEFAk komunikatu bat igorri du azaltzeko partidak ordu erdi baino gehiagoko atzerapena izan duela Liverpooleko jarraitzaileen gunean sarrerarik gabe joan ziren milaka zalek tornuetan eragindako ilaren ondorioz.
"Partidaren atarian, Liverpooleko hondoko tornuak blokeatuta geratu dira milaka zalerengatik, tornuetan funtzionatzen ez zuten sarrera faltsuak zituztelako", dio aipatutako komunikatuak.
UEFAk azaldu duenez, zaleen pilaketa horrek 21:00etarako aurreikusitako finala atzeratzera behartu du, baita poliziaren esku-hartzea ere. "Honek zale pilaketa eragin du, sartzen saiatzen ari zirenak. Ondorioz, partidaren hasiera 35 minutu atzeratu da benetako sarrerak zituzten ahalik eta zale gehienei sartzen uzteko".
"Estadiotik kanpo zeuden pertsonen kopuruak gora egiten jarraitzen zuenez, poliziak gas negar-eragilearekin sakabanatu eta estadiotik irtetera behartu ditu. UEFAk elkartasuna adierazten die gertaera horiek jasan dituztenei, eta berehala berrikusiko ditu gai horiek, Frantziako poliziarekin eta agintariekin batera, baita Frantziako Futbol Federazioarekin ere", esanez amaitu du oharrak.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.