Manchester Cityk garaipena lortu du Real Madrilen aurka (4-3) finalerdietako joaneko partida zirraragarrian
Manchester Cityk garaipena lortu du Real Madrilen aurka (4-3) astearte honetan (apirilak 26) jokatu duen Txapeldunen Ligako finalerdietako joaneko partidan, eta gol bateko abantailarekin ekingo dio itzuliko neurketari.
Norgehiagokako 11. minuturako, Cityk bi goleko abantaila erdietsi du; De Bruynek sartu du lehen gola (1-0), 2. minutuan, eta Gabriel Jesusek 2-0ekoa jarri du markagailuan 11. minutuan.
Real Madrilek oso gaizki hasi du partida, defentsan huts asko eta larriak eginda. Cityk gol gehiago sartzeko abagune argiak izan ditu, baina huts egin du, eta Real Madrilek desabantaila murriztu du Karim Benzemaren bidez (2-1), 33. minutuan.
Bigarren zatia lehenengoaren antzera hasi da. Abagune bikoitza izan du Manchester Cityk 47. minutuan, baina Mahrezen jaurtiketak zutoina jo du eta Fodenek jarraian egin duen errematea atepetik atera du Carvajalek, gola eragotzita. Sei minutu geroago, Fodenek gola sartu du (3-1) Manchester Cityrentzat.
Bi goleko errentak ez dio asko iraun Ingalaterrako taldeari, Viniciusek aldeak murriztu baititu 55. minutuan, 3 eta 2koa sartuta; brasildarra bere zelaitik abiatu da, aurkari guztiak atzean utzi ditu, eta amaiera bikaina eman dio jokaldiari Ederson atezaina gaindituta.
Partidako lehen 70 minutuak zirraragarriak izan dira. Bazirudien bi taldeek erritmoa jaitsiko zutela, baina Bernardo Silvak gol ikusgarria sartu du (4-2) 74. minutuan. Neurketa maldan gora jarri zaio berriro Real Madrili, baina Laportek eskuarekin jo du baloia area barruan 81. minutuan, eta epaileak Madrilgo taldearen aldeko penaltia adierazi du; Benzemak ez du barkatu (4-3), eta maisuki gainditu du Ederson atezaina.
Azken txanpan, bi taldeetako bat ere ez da gai izan gol gehiago sartzeko, eta Manchester Cityren aldeko 4-3ko emaitzarekin amaitu da partida.
Fitxa teknikoa:
4 - Manchester City: Ederson; Stones (Fernandinho, 36. min), Dias, Laporte, Zinchenko; Rodri, De Bruyne, Bernardo; Foden, Gabriel Jesus (Sterling, 83. min) eta Mahrez.
3 - Real Madril: Courtois; Carvajal, Militao, Alaba (Nacho, 46. min), Mendy; Kroos, Modric (Ceballos, 79. min), Valverde; Rodrygo (Camaving, 70. min), Vinicius (Asensio, 88. min) eta Benzema.
Golak: 1-0, 2. min: De Bruyne. 2-0, 11. min: Jesus. 2-1, 33. min: Benzema. 3-1, 53. min: Foden. 3-2, 55. min: Vinicius. 4-2, 74. min: Bernardo. 4-3, 82. min: Benzema, penaltiz.
Epailea: Istan Kovacs (Errumania). Txartel horia atera die Fernandinho (81. min) Manchester Cityko jokalariari eta Nacho (93. min) Real Madrileko futbolariari.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.