Atleticok eta Borussiak aurrea hartu dute euren kanporaketetan
Atletico Madrilek aurrea hartu dio Liverpooli Txapeldunen Ligako final-zortzirenetan, Wanda Metropolitanon 1-0 irabazita, partida hasi eta berehala Saul Ñiguezek egindako golaren bitartez. Ondorioz, madrildarrek abantailarekin bidaiatuko dute martxoaren 11n Anfield Roaden jokatuko den itzuliko neurketara.
Saulek korner baten ostean galdutako baloi bat baliatu du bere taldea aurreratzeko, eta gol horrek lehia amaierara arte balio izan dio Atleticori, nahiz eta Alvaro Moratak aukera garbi bi izan dituen, bat zati bakoitzean. Thomas Lemar frantziarrak ere buruz buruko bat huts egin du Liverpoolen atezainaren aurrean.
Liverpoolen aukera apurrak, berriz, Mohamed Salah egiptoarraren erremate bat, Felipe brasildarrak desbideratu duena, eta gora joan den Jordan Hendersonen jaurtiketa bat baino ez dira izan.
Fitxa teknikoa:
1 - Atletico Madril: Oblak, Vrsaljko, Savic, Felipe, Lodi, Koke, Thomas, Saul, Lemar (Llorente, 46. min); Correa (Diego Costa, 76. min) eta Morata (Vitolo, 70. min).
0 - Liverpool: Alisson, Alexander-Arnold, Van Dijk, Gomez, Robertson, Henderson (Milner, 80. min), Fabinho, Wijnaldum, Salah (Oxlade Chamberlain, 72. min), Firmino eta Mane (Origi, 46. min).
Gola: 1-0, 4. min: Saul.
Epailea: Szymon Marciniak (Polonia). Txartel horiak: Correa (Atletico); Mane eta Joe Gomez (Liverpool).
Haalandek PSG menderatu du
Borussiak 2-1 garaitu du PSG. Argazkia: EFE
Jardunaldiko beste neurketan, Erling Haaland Norvegiako aurrelariak sartutako bi golek garaipena eman diote Borussia Dortmundi Paris Saint-Germainen aurka (2-1). Emaitza horrek estualdian jarri du Frantziako txapelduna, eta Printzeen Parkean izan ohi duen indarra erakutsi du beste behin, kanporaketari buelta eman nahi baitio.
Eskandinaviako jokalariak berretsi egin du Europako futbolean egiten ari den agerraldi ikusgarria, eta Kylian Mbapperen eta Neymarren jarduna estali du, nahiz eta eurak izan diren PSGren golaren protagonistak.
Horrenbestez, Haalandek dagoeneko 11 gol erdietsi ditu bere talde berriarekin jokatutako 7 partidetan (8 gol Bundesligan, 1 Kopan eta 2 Txapeldunen Ligan).
Fitxa teknikoa:
2 - Borussia Dortmund: Bürki, Piszczek, Hummels, Zagadou, Achraf Hakimi, Can, Witsel, Guerreiro, Sancho (Schmelzer, 91. min), Haaland eta Thorgan Hazard (Reyna, 67. min).
1 - PSG: Navas, Marquinhos, Thiago Silva, Kimbembe, Meunier, Gueye, Verrati, Kurzawa, Di Maria (Sarabia, 77. min), Neymar eta Mbappe.
Golak: 1-0, 69. min: Haaland. 1-1, 75. min: Neymar. 2-1, 77. min: Haaland.
Epailea: Antonio Mateu Laoz. Txartel horiak: Witsel eta Gueye (Borussia); Neymar, Meunier eta Verrati (PSG).
Zure interesekoa izan daiteke
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Lau hamarkada, azken Atletico Madril - Reala Kopako finaletik
Hitzordu hura 1987ko ekainaren 27an jokatu zuten La Romaredan, eta John Toshacken Reala nagusitu zen penaltietan.
Real-Athletic Errege Kopako finalaurreko itzulerako partidaren laburpena
Realak 1-0 irabazi dio Athletici Errege Kopako finalaurreko itzulerako partidan. Joanekoan gol bateko abantaila hartua zuen talde txuri-urdinak, hortaz, 2-0arekin lortu dute Sevillarako txartela. Hemen norgehiagokaren laburpena.