Atletico eta City, final-laurdenetarako sailkapena lotzera
Atletico Madril faborito da Txapeldunen Ligako final-laurdenetarako sailkapena lortzeko, Juventusen aurka (21:00) gaur jokatu behar duen partidan. Madrildarrek 2-0 irabazi zuten joanekoan, eta dena dute euren alde, nahiz eta talde italiarrak baduen eskarmentu eta argudio nahiko kanporaketa iraultzeko.
Joaneko partidako azken txanpan Gimenezek eta Godinek sartu zituzten bi golek oso bideratuta utzi zuten kanporaketa Simeoneren taldearen alde. Hala ere, zuri-gorriek jakin badakite neurketa gogorra izango dutela Italian.
Vecchia Signorak denboraldia amaitu bitarteko emozioa dauka jokoan, Serie A liga erabakita baitu bere alde. Sailkapenean bigarren den Napolesi 18 puntuko tartea ateratzen dio, eta horrek hainbat aldaketa egitea ahalbidetu zion Massimiliano Allegri entrenatzaileari Udineseren aurka jokatutako azken partidan. Hala ere, ez zuen inolako arazorik izan neurketa aurrera ateratzeko (4-1).
Atleticok, ordea, oraindik badu zeresana Liga txapelketan, Bartzelonaren lidergoa kolokan jartzeko ahaleginak egin nahi baititu azken txanpan. Aitzitik, Leganesen kontra jokatuko lehian (1-0) taldeko bizkar-hezurra osatzen duten zenbait jokalari jokatu gabe geratu ziren, astearteko norgehiagokara ahalik eta egoera onenean iristeko asmoz.
Balizko hamaikakoak:
Juventus: Szczesny, Cancelo, Bonucci, Chiellini, Spinazzola, Pjanic, Matuidi, Emre Can, Dybala, Cristiano Ronaldo eta Mandzukic.
Atletico Madril: Oblak, Arias, Gimenez, Godin, Juanfran, Rodrigo, Saul, Koke, Lemar, Griezmann eta Morata.
Epailea: Björn Kuipers (Herbehereak).
Futbol-zelaia: Allianz Stadium.
Ordua: 21:00.
Cityk ez du ezustekorik nahi
Manchester Cityko jokalariak. Argazkia: EFE
Jardunaldiko beste partidan, Manchester City eta Schalke 04 izango dira aurrez aurre. Guardiolaren taldeak 2-3 irabazi zuen Alemanian jokatu zen joanekoan, eta ia erabakita utzi zuen txapelketan aurrera egin ahal izatea.
Gainera, talde ingelesa oso une gozoan dago; ez, ordea, bere arerioa. Izan ere, alemaniarrek hilabete eta erdi daramate Bundesligan irabazi ezinda.
Cityk Watford azpiratu zuen (3-1) asteburu honetan Premier-en, eta, hartara, Newcastlen aurka (2-1) ligan galdutako neurketa da 2019an orain arte izan duten porrot bakarra, azken hamar neurketetako bakarra, hain zuzen ere.
Bere aldetik, Schalke denboraldiko bolada txarrenean murgilduta dabil. Berdinketa bat besterik ez du lortu jokatutako azken sei neurketetan. Emaitza horiek medio, alemaniarrak 14. tokian daude kokatuta euren herrialdeko liga txapelketan, jaitsierako play-offetatik lau puntura.
Balizko hamaikakoak:
Manchester City: Ederson, Walker, Otamendi, Laporte, Danilo, Gündogan, Bernardo Silva, David Silva, Sane, Sterling eta Aguero.
Schalke 04: Fährmann, Stambouli, Nastasic, Sané, Rudy, Bentaleb, McKennie, Oczipka, Serdar, Burgstaller eta Embolo.
Epailea: Clement Turpin (Frantzia).
Futbol-zelaia: Etihad Stadium.
Ordua: 21:00.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.