Atleticok eta Manchester Cityk hurbilago dituzte final-laurdenak
Atletico Madril 2-0 gailendu zaio Juventusi ostegun honetan, Wanda Metropolitanon jokatu den Txapeldunen Ligako final-zortzirenetako joaneko partidan. Bigarren zatian heldu dira Atleticoren bi golak, Jose Maria Gimenez eta Diego Godin uruguaitarren eskutik, geldikako bi jokalditan.
Bi gol horiek ahantzarazi egin dute minutu gutxi batzuk lehenago VARak Alvaro Moratari baliogabetutako gola, Giorgio Chiellini defentsa italiarrari falta egiteagatik.
Horrenbestez, Simeoneren taldea abantaila argiarekin joango da Italiara, martxoaren 12an bueltako neurketa jokatzera. Alabaina, lehia horretan ezingo dute parte hartu ez Diego Costa aurrelariak, ez Thomas Partey erdilariak, batak zein besteak txartel horia ikusi baitute; partida bateko zigorra bete beharko dute, beraz.
Fitxa teknikoa:
2 - Atletico Madril: Oblak, Juanfran, Gimenez, Godin, Filipe, Saul, Thomas (Lemar, 60. min), Rodrigo, Koke (Correa, 66. min); Griezmann eta Diego Costa (Morata, 58. min).
0 - Juventus: Szczesny, De Sciglio, Bonucci, Chiellini, Alex Sandro, Bentancur, Pjanic (Can, 71. min), Matuidi (Cancelo, 84. min), Dybala (Bernasdeschi, 80. min), Mandzukic eta Cristiano Ronaldo.
Golak: 1-0, 77. min: Gimenez. 2-0, 82. min: Godin.
Epailea: Felix Zwayer (Alemania). Txartel horiak: Diego Costa, Thomas eta Griezmann (Atletico Madril); Alex Sandro (Juventus).
Aguerok sartu du Cityren lehen gola. Argazkia: EFE
Jardunaldiko bigarren partidan, Manchester Cityk 2-3 irabazi dio Schalke 04ri, azken bost minutuetan eta hamar jokalarirekin zegoela (Otamendi argentinarrak bi txartel hori ikusi ditu) partida iraultzea lortu eta gero.
Guardiolaren taldeak hartu du aurrea markagailuan, lehen zatiko 18. minutuan. Aguero argentinarra izan da golegilea, David Silvaren pase bat aprobetxatuta. Gerora iritsi dira, ordea, Nabil Bentaleb jokalari aljeriarrak penalti puntutik etxekoentzat sartu dituen bi golak. Horrenbestez, 2-1eko markagailuarekin joan dira atsedenaldira.
Bigarren zatia bukatzear zela, eta, ondorioz, garaipena Alemanian geratu behar zela zirudienean, Cityren beste bi golak iritsi dira, hamar jokalarirekin ari zenean, gainera.
Schalken aritutako Leroy Sane jokalariak berdindu du neurketa. Alemaniarrak falta jaurtiketa ikusgarri baten bidez lortu du bere taldearen bigarren gola.
Bost minutu geroago, Sterlingen txanda izan da. Aurrelari txiki bezain azkarrak bere atezainaren pase luze bat baliatu du Schalkeren defentsa ustekabean harrapatu eta garaipenaren gola erdiesteko.
Fitxa teknikoa:
2 – Schalke 04: Fahrmann, Bruma, S. Sane, Nastasic, Caligiuri, Serdar, Bentaleb, Oczipka, McKennie (Skrzybinski, 78. min), Mendyl (Burgstaller, 65. min) eta Uth (Harit, 88. min).
3 - Manchester City: Ederson, Walker, Fernandinho, Otamendi, Laporte, Gundogan, De Bruyne (Zinchenko, 87. min), David Silva (Kompany, 70. min), Bernardo Silva, Aguero (L. Sane, 78. min) eta Sterling.
Golak: 0-1, 18. min: Aguero. 1-1, 38. min: Bentaleb (penaltiz). 2-1, 45. min: Bentaleb (penaltiz). 2-2, 85. min: L. Sane. 2-3, 90. min: Sterling.
Epailea: Carlos del Cerro Grande (Espainia). Txartel horiak: Uth, Sane eta Burgstalle (Schalke 04); Fernandinho, Eder eta Otamendi (Manchester City). Otamendiri bi txartel hori atera dizkio; horrenbestez, epaileak kalera bota du 60. minutuan.
Zure interesekoa izan daiteke
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Espainiak Uruguai, Saudi Arabia eta Cabo Verde izango ditu aurkari 2026ko Munduko Txapelketako H multzoan
H Multzoak Miami, Atlanta eta Houstonen (AEB) eta Guadalajaran (Mexiko) jokatuko ditu bere partidak.
48 selekzio, 4 ontzi eta Trump, 2026ko Munduko Txapelketaren zozketaren ikuskizuna
Lau ontzitan banatutako 48 selekziok ezagutuko dute bihar, abenduak 5, multzo fasean izango dituzten aurkariak, zozketa honetan Donald Trump, AEBko presidentea egonen da gonbidatu berezi moduan.
Iñaki Recio, Portugaleteko jokalaria: ''Pozik goaz, jendeak gozatu egin du eta guk ere bai''
Alavesek 0-3 irabazi du Portugaleteren aurka, eta Errege Kopako final-hamaseirenetara igaro da. Bi taldeetako protagonistekin egon gara lehen erreakzioak ikusteko. (Bideoa gazteleraz)
Egoitz Bilbao, Portugaleteko entrenatzailea: ''Biharko partida jokatzeko ilusioz gainezka eta irrikitan gaude''
"Partida oso zaila izango da, aurrean izango dugun taldea lehen mailakoa delako, baina seguru nago gauzak ondo egiten baldin baditugu neurketan zehar gure aukerak izango ditugula", onartu du Portugaleteko prestatzaileak.
Hauek dira 2026ko Munduko Txapelketako bigarren aukerako kanporaketak
Mexiko, Estatu Batuak eta Kanadan jokatuko den 2026ko Munduko Txapelketan sailkatzeko bigarren aukeraren kanporaketak martxoaren 26 eta 31ren artean jokatuko dira, Europakoak; beste kontinenteetakoak, 23 eta 31ren artean.
Hauek dira jada 2026ko Munduko futbol Txapelketarako sailkatu diren selekzioak
Guztira, 42 selekziok lortu dute 2026ko Munduko Txapelketarako sailkatzea. Oraindik, sei postu esleitu gabe daude.
Sevillako Cartujak Kopako finala hartuko du gutxienez beste hiru denboraldiz, 2026tik 2028ra
Hala erabaki du Sevillako hotel batean bildu den Espainiako Futbol Federazioko zuzendaritza batzordeak. Cartujak Kopako finala hartuko du apirilean, zazpigarren aldiz jarraian. 2017-2018 denboralditik finalaren egoitza da.
Honela jaso dute Portugaleteko jokalariek Errege Kopan Alavesen aurka jokatuko dutela
Portugaletek Alaves izango du aurkari Errege Kopako hurrengo kanporaketan, asteartean egindako zozketak zehaztu duenez. Taldeak zuzenean jarraitu du emanaldia, eta pozik azaldu da, emaitzaren berri izanda.
Eguesibarrek ezin izan du Andorraren aurka (1-5), eta Errege Kopatik kanpo gelditu da
Ibai Gomezek entrenatzen duen eta Hypermotion Ligan dabilen Andorrak bi gol sartu ditu lehen zatian, eta bigarren zatian aldea handitu du. Hasier Iriartek, penaltiz, 70. minutuan, Eguesibarren gola sartu du.