Cristiano Ronaldok Espainiaren garaipena zapuztu eta multzoko lider bihurtu du Iran
Portugalek, egungo Europako txapeldunak, eta Espainiak berdindu egin dute hiru golera (3-3) Errusiako Munduko Txapelketan jokatu duten lehen partidan. Espainiako selekzioak bi aldiz lortu du markagailua parekatzea, eta aurretik jartzea lortu du ere, Cristiano Ronaldok partida amaitzeko bi minuturen faltan bere hirugarren gola sartu duen arte.
Neurketa hasi eta berehala sartu du Ronaldok neurketako lehen gola, penaltiz; atsedenaldira heldu orduko De Gearen hutsegitea bilatu du, eta Portugalek galdu egin behar zuela zirudienean, angelu-angelutik sartu du gola faltaz.
Espainiako selekzioari dagokionez, Diego Costaren bi golek eta Nacho Fernandezek areaz kanpotik egindako jaurtiketa ikusgarriak markagailua iraultzea lortu dute Ronaldoren hirugarrena heldu baino lehen.
Cristiano Ronaldo, jardunaldiko protagonista nagusia. Argazkia: EFE
Fitxa teknikoa:
Portugal 3: Rui Patricio; Cedric, Pepe, Fonte, Guerreiro; Bernardo Silva (Quaresma, 69. min), William Carvalho, Moutinho, Bruno Fernandes (Joao Mario, 67. min); Gonçalo Guedes (Andre Silva, 80. min) eta Cristiano Ronaldo.
Entrenatzailea: Fernando Santos.
Espainia 3: De Gea; Nacho, Ramos, Piqué, Jordi Alba; Koke, Busquets; Silva (Lucas Vázquez, 86. min), Iniesta (Thiago, min. 69. min), Isco; eta Diego Costa (Iago Aspas, 77. min).
Entrenatzailea: Fernando Hierro.
Golak: 1-0, 4. min: Cristiano Ronaldo, penaltiz. 1-1, 24. min: Diego Costa. 2-1, 44. min: Cristiano Ronaldo. 2-2, 55. min: Diego Costa. 2-3, 58. min: Nacho. 3-3, 88. min: Cristiano Ronaldo.
Epailea: Gianluca Rocchi (Italia). Txartel horiak: Busquets (17. min) eta Bruno Fernades (28. min).
Iran: irabazi eta lider da
Futbolaren zortea aldeko izan du Iranek B Multzoari hasiera eman dion partidan, 0-1 irabazi baitio Marokori Aziz Bouhaddouz marokoarrak 95. minutuan bere atean sartu duen gol baten bidez.
Iraneko taldea atzean sartuta egon da ia norgehiagoka guztian zehar, kontraerasoan noiz aterako zain, baina korner batean lortu du sailkapenenean hiru puntu aitortu dizkion gola. Bouhaddouz baloia alderatzen saiatu da, baina kale egin du bere ahaleginean eta Munir taldekidearen sare barrura sartu da baloia.
Garaipen horren bidez, B Multzoko lider jarri da Carlos Queirozek zuzentzen duen taldea, lehen jardunaldia eta gero.
Bouhaddouzek bere atean sartu du gola. Argazkia: EFE
Maroko 0: Munir; N. Amrabat (S. Amrabat, 75. min), Benatia, Saiss, Achraf; El Ahmadi; Ziyech, Belhanda, Boussoufa, Harit (Da Costa, 82. min); eta El Kaabi (Bouhaddouz, 76. min).
Entrenatzailea: Hervé Renard.
Iran 1: Beiranvand; Rezaeian, Pouraliganji, Chesmi, Haji Safi; Ebrahimi (Montazeri, 79. min); Jahanbakhsh (Ghoddos, 84. min), Shojaei (Taremi, 67. min), Amiri, Ansarifard; eta Azmoun.
Entrenatzailea: Carlos Queiroz.
Gola: 0-1, min. 95: Bouhaddouz, bere atean.
Epailea: Cuneyt Cakir (Turkia). Txartel horiak: Shojaei (9. min), El Ahmadi (33. min), Jahanbakhsh (min. 46) eta Ansarifard (90. min).
Horrela dago B Multzoko sailkapena 1. jardunaldiaren ostean
Bestalde, Munduko Txapelketako egutegiak lau partida ekarriko ditu larunbateko (ekainak 16) jardunaldian.
Zure interesekoa izan daiteke
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Espainiak Uruguai, Saudi Arabia eta Cabo Verde izango ditu aurkari 2026ko Munduko Txapelketako H multzoan
H Multzoak Miami, Atlanta eta Houstonen (AEB) eta Guadalajaran (Mexiko) jokatuko ditu bere partidak.
48 selekzio, 4 ontzi eta Trump, 2026ko Munduko Txapelketaren zozketaren ikuskizuna
Lau ontzitan banatutako 48 selekziok ezagutuko dute bihar, abenduak 5, multzo fasean izango dituzten aurkariak, zozketa honetan Donald Trump, AEBko presidentea egonen da gonbidatu berezi moduan.
Iñaki Recio, Portugaleteko jokalaria: ''Pozik goaz, jendeak gozatu egin du eta guk ere bai''
Alavesek 0-3 irabazi du Portugaleteren aurka, eta Errege Kopako final-hamaseirenetara igaro da. Bi taldeetako protagonistekin egon gara lehen erreakzioak ikusteko. (Bideoa gazteleraz)
Egoitz Bilbao, Portugaleteko entrenatzailea: ''Biharko partida jokatzeko ilusioz gainezka eta irrikitan gaude''
"Partida oso zaila izango da, aurrean izango dugun taldea lehen mailakoa delako, baina seguru nago gauzak ondo egiten baldin baditugu neurketan zehar gure aukerak izango ditugula", onartu du Portugaleteko prestatzaileak.
Hauek dira 2026ko Munduko Txapelketako bigarren aukerako kanporaketak
Mexiko, Estatu Batuak eta Kanadan jokatuko den 2026ko Munduko Txapelketan sailkatzeko bigarren aukeraren kanporaketak martxoaren 26 eta 31ren artean jokatuko dira, Europakoak; beste kontinenteetakoak, 23 eta 31ren artean.
Hauek dira jada 2026ko Munduko futbol Txapelketarako sailkatu diren selekzioak
Guztira, 42 selekziok lortu dute 2026ko Munduko Txapelketarako sailkatzea. Oraindik, sei postu esleitu gabe daude.
Sevillako Cartujak Kopako finala hartuko du gutxienez beste hiru denboraldiz, 2026tik 2028ra
Hala erabaki du Sevillako hotel batean bildu den Espainiako Futbol Federazioko zuzendaritza batzordeak. Cartujak Kopako finala hartuko du apirilean, zazpigarren aldiz jarraian. 2017-2018 denboralditik finalaren egoitza da.
Honela jaso dute Portugaleteko jokalariek Errege Kopan Alavesen aurka jokatuko dutela
Portugaletek Alaves izango du aurkari Errege Kopako hurrengo kanporaketan, asteartean egindako zozketak zehaztu duenez. Taldeak zuzenean jarraitu du emanaldia, eta pozik azaldu da, emaitzaren berri izanda.
Eguesibarrek ezin izan du Andorraren aurka (1-5), eta Errege Kopatik kanpo gelditu da
Ibai Gomezek entrenatzen duen eta Hypermotion Ligan dabilen Andorrak bi gol sartu ditu lehen zatian, eta bigarren zatian aldea handitu du. Hasier Iriartek, penaltiz, 70. minutuan, Eguesibarren gola sartu du.