Liverpoolek erakustaldia eman du (5-2) eta beste mirari bat egitera behartu du Erroma
Liverpoolek Erroma azpiratu du (5-2) astearte honetan jokatu den Txapeldunen Ligako finalerdietako joaneko partidan. Jürgen Kloppek zuzentzen duen taldeak bikain jardun du, batez ere bere aurreko hirukoari esker. Mohammed Salah ikusgarri aritu da bi gol eta beste horrenbeste goleko pase emanez. Roberto Firmino brasildarrak ere bi gol sartu ditu eta Sadio Manek egin du azkena. Italiarrek norgehiagokaren azken txanpan itxuratu dute emaitza, Edin Dzekoren eta Diego Perottiren eskutik. Azken horrek penaltiz egin du gola.
Aurrelari egiptoarraren aginte-makilapean etxekoek kanporaketa esku-eskura zutela zirudien (5-0 joan dira irabazten lehia bukatzeko hamar minuturen faltan), baina Eusebio di Francescoren aginduetara dauden erromatarrek ez dute amorerik eman, eta Bartzelonaren aurka lortu zuten miraria errepikatzen saiatuko dira bueltakoan.
Partidak intentsitate handia izan du hasierako minutuetan, eta talde biek pilatu dituzte gol-aukerak. Alabaina, lehen zatiaren erdialdea igaro ostean (35. minutuan), Salahek parekotasuna apurtu du, baloia ezkerrez jota italiarren ateko angelutik sartuta. Handik hamar minutura, kontraeraso batean, Liverpooleko aurrelariak gaueko bere bigarrena erdietsi du, Alisson atezainaren irteera baloia loratuz gaindituta.
Firminok eta Manek zuloa handitu dute, eta Dzekok eta Perottik, itxaropena eman
Bigarren zatia hastearekin bat, etxekoen nagusitasuna areagotu egin da. Manek, gaueko bere hirugarren aukera garbian, baloia sare barrura eraman du, Salahen pase bat baliatuta. 3-0ekoak ez ditu Liverpooleko jokalariak asebete, eta gehiagoren bila joan dira.
Hala iritsi dira Firminoren bi golak: lehendabizikoa, Salahek ate aurrean eme-eme jarri dion baloiari behar zuen bultzada emanda; bigarrena, korner batean buruz jota.
Kanporaketan inolako zereginik ez zuela zirudienean, Erromak bizirik eta itxaropen apurrekin jarraitzeko ahalmena ematen dioten bi gol lortu ditu azken txanpan. Dzekok Nainngolanen erdiraketa on bat aprobetxatu du aldea murrizteko 81. minutuan, eta, lau minutu geroago, Perotti arduratu da epaileak bere taldearen alde adierazitako penaltia behar bezala aprobetxatzeaz.
Fitxa teknikoa:
Liverpool 5: Karius; Alexander-Arnold, Lovren, Van Dijk, Robertson; Henderson, Oxlade-Chamberlain (Wijnaldum, 17. min), Milner; Mané, Salah (Ings, 73. min) eta Firmino (Klavan, 93. min).
Roma 2: Alisson; Manolas, Fazio, Juan Jesús (Perotti, 66. min); Florenzi, De Rossi (Gonalons, 66. min), Strootman, Kolarov; Ünder (Schick, 46. min), Nainggolan; eta Dzeko.
Golak 1-0, 35. min, Salah. 2-0, 45. min, Salah. 3-0, 55. min, Mané. 4-0, 61. min, Firmino. 5-0, 68. min, Firmino. 5-1, 81. min, Dzeko. 5-2, 85. min, Perotti (p.).
Epailea: Felix Brych (Alemania). Txartel horiak: Alexander-Arnold, Lovren eta Henderson (Liverpool); Juan Jesús eta Fazio (Erroma).
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.