Quiñones, Oroz eta Hernandez, Espainiako selekzioaren deialdian Argentina eta Japoniaren aurkako partidetarako
Jorge Vilda Espainiako emakumezkoen futbol selekzioko hautatzaileak Argentinaren eta Japoniaren aurkako partidetarako deialdia egin du. 23 jokalariko zerrendan ez daude selekzioari uko egin zioten 15 jokalariak, ezta Irene Paredes (Bartzelona) eta Jennifer Hermoso (Pachuca) ere.
Hiru euskal jokalari daude deialdian, Athleticeko Mariasun Quiñones eta Oihane Hernandez, eta Real Madrileko Maite Oroz. Bestalde, Realeko Ana Tejada eta Alejandra Bernabe ere deitu ditu Jorge Vildak.
Espainiak Argentinaren aurka jokatuko du azaroaren 11n, ostiralean, Melillako Alvarez Claro Udal Estadioan, eta Japoniaren aurka, 15ean, asteartean, Sevillako Cartujan. Bi partidak 20:00etan hasiko dira.
DEIALDIA:
ATEZAINAK: Misa Rodriguez (Real Madril), Mariasun Quiñones (Athletic Club) eta Enith Salon (Valentzia).
DEFENTSAK: Sheila Garcia (Atletico Madril), Olga Carmona, Ivana Andres eta Rocio Galvez (Real Madril), Ana Tejada eta Alejandra Bernabe (Reala), Maria Mendez (Levante) eta Oihane Hernandez (Athletic Club).
ERDILARIAK: Tere Abelleira, Claudia Zornoza eta Maite Oroz (Real Madril), Anna Torroda eta Fiamma Benitez (Valentzia), eta Maitane Lopez (Atletico Madril).
AURRELARIAK: Athenea del Castillo eta Esther Gonzalez (Real Madril), Marta Cardona (Atletico Madril), Salma Paralluelo (Bartzelona), Alba Redondo (Levante) eta Inma Gabarro (Sevilla).
Zure interesekoa izan daiteke
Arene Altonaga: “Gogorra izan da eta triste gaude, baina behekoek berdin jarraitzen dute eta lasaitasun hori ere badaukagu”
Eibarrek Athleticen aurkako derbia galdu du Ipuruan 0-1eko emaitzarekin. Arene Altonaga Eibarreko kapitainaren hitzetan, iaz bezala azken minutuan galtzeak min egin die. Hala ere, bi aste lasai dauzkate aurretik, eta “ondo etorriko zaigu burua altxatzeko”.
Maite Valero: “Partida ona egin dugu, gure jokoa inposatzen saiatu gara eta uste dut lortu dugula”
Eibarren eta Athleticen arteko derbia jokatu da gaur Ipuruan. Athleticek 0-1 garaitu ditu armaginak, eta hilabete zaila igaro ostean Maite Valerok azaldu duenez, “garaipen honek inpultsoa” ematen die aurrera jarraitzeko eta “azken partidetan dena emateko”.
Agotek azken hasperenean egindako golak garaipena eman dio Athletici Ipuruako derbian (0-1)
Garaipen honi esker, bilbotarrek azken asteetako bolada txarra etetea lortu dute. Armaginek, aldiz, behar-beharrezkoak dituzten puntuak lortu gabe jarraitzen dute.
Realak garaipen argia lortu du Athleticen aurka Lezaman (0-2)
Arturo Ruizen taldea gehiago izan da zuri-gorrien eta txuri-urdinen arteko euskal derbian, eta Aiara Agirrezabalak eta Paula Fernandezek lehen zatian sartutako golekin nagusitu da.
F Liga: Athletic vs Real Sociedad, zuzenean
Ikusi zuzenean Athletic Cluben eta Realaren arteko F Ligako 20. jardunaldiari dagokion euskal derbia, igande honetan, otsailaren 15ean, 12:00etatik aurrera, Lezamatik.
Athleticek gora egin nahi du sailkapenean, eta Realak hirugarren postua sendotu, igande honetako derbian
Txuri-urdinak hirugarren dira, bederatzigarren den Athleticek baino 15 puntu gehiagorekin. Zuri-gorriek zortzi gol jaso dituzte euren azken bi neurketetan, baina joaneko partida berdinketarekin amaitu zen. Igandeko derbia zuzenean jarraitu ahal izango da, 12:00etatik aurrera, EITBn.
Athleticek lehen garaipena lortu du Di Stefanon (0-1)
Athleticek 2025-2026 Moeve F Ligako titulua lortzeko lehian jarraitzen du, Real Madrili irabazita (0-1), 17. jardunaldiko partida aurreratuan. Adriana Nanclares atezainak buruan kolpea jaso ondoren, Sara Ortegaren gol bikainak hiru puntuak erabaki ditu talde bilbotarrarentzat.
Yerai Martin prestatzaile andoaindarrak Costa Adeje Tenerife zuzenduko du denboraldia bukatu arte
Entrenatzaile gipuzkoarra Euskal Herriko futbol hezitzailean, SD Eibarren, ibilbide bikaina egin eta Portugalgo Racing Power FC taldean nazioarteko esperientzia izan ondoren iritsi da Tenerifeko taldera.
Sonia Bermudez da Espainiako selekzioko hautatzaile berria, eta Iraia Iturregi izango du laguntzaile
Espainiako Futbol Federazioak jakinarazi du Montse Tomek ez duela karguan jarraituko eta Bermudez dela hautatzaile berria. Iturregi izango da bigarren entrenatzailea.
Moeve F Ligako derbien egutegia
Athletic, Reala eta Eibar dira lehen mailan lehiatuko diren hiru euskal taldeak. Hemen ikus ditzakezu 2025-2026 denboraldiko derbien data guztiak.