Klubek eta sindikatuek emakumezkoen futboleko lehen lan-hitzarmena sinatu dute
Emakumezkoen Futboleko Kluben Elkarteak (ACFF) eta sindikatuek Lehen Mailako emakumezkoen futboleko estreinako lan-hitzarmena sinatu dute astearte honetan, Espainiako Futbolarien Elkartearen (AFE) egoitzan, "behin betiko akordioa" adostu eta gero, hainbat hilabeteko negoziaketen ondoren.
"Lan-hitzarmen hau sinatzea gertaera historikoa da Espainiako kirolarentzat, baita beste kirol batzuk egiten dituzten emakumezkoentzat ere", adierazi du AFEk, negoziazioetan gehiengoa izan duen sindikatuak. Negoziaketa horietan Futbolistas ON eta UGT sindikatuek ere parte hartu dute.
Aipatu akordioa "gehiengo zabalarekin" berretsi zuen ACFFk astelehen honetan, eta horren ostean iritsi da gaurko sinadura. Asteleheneko bilera horretan, Kluben Elkarteak erabaki zuen Mediapro operadoreak izango duela Erreginaren Kopa emateko eskubidea, eta berak kudeatuko dituela ere futbol-zelaien inguruan dauden hesietan agertzen den publizitatea, hots, Telebistako U izenarekin ezagutzen dena. Bi erabaki horiek ezinbestekoak izan ziren jokalariekin akordioa desblokeatzeko.
Gainera, hitzarmen berriak langileen arteko "berdintasuna"ri laguntzen diola azaldu du AFEk. "Hitzarmen honek segurtasuna emango dio kolektiboari, eta, horrez gain, emakumezkoak gizonezkoekin parekatzen ditu futbolaren esparruan", adierazi du sindikatuak.
AFEk nabarmendu duenez, futbolariek "batasuna, adorea eta elkartasuna" erakutsi dute prozesu osoan zehar, eta ezaugarri horiek guztiak "oinarrizko zutabeak" iritzi ditu hitzarmena "errealitate bihurtzeko" bidean. Horrez gain, sindikatuak azpimarratu du futbolariek egindako greba eguna "funtsezkoa" izan zela negoziazioa desblokeatzeko.
Sinatzaileak CSDra eta Kongresura joango dira
Asteazken honetan (12:00etan), Irene Lozano Kirol Kontseilu Goreneko (CSD) presidenteak hitzarmenaren sinatzaileak hartuko ditu erakundearen egoitzan. Gerora, arratsaldean (18:30ean) Diputatuen Kongresura joango dira, Meritxell Batet presidentea bertan dela, akordioaren berri emateko.
Zure interesekoa izan daiteke
Sonia Bermudez da Espainiako selekzioko hautatzaile berria, eta Iraia Iturregi izango du laguntzaile
Espainiako Futbol Federazioak jakinarazi du Montse Tomek ez duela karguan jarraituko eta Bermudez dela hautatzaile berria. Iturregi izango da bigarren entrenatzailea.
Moeve F Ligako derbien egutegia
Athletic, Reala eta Eibar dira lehen mailan lehiatuko diren hiru euskal taldeak. Hemen ikus ditzakezu 2025-2026 denboraldiko derbien data guztiak.
Tximist Cup: emakumezkoen futbolean berdintasuna eta inklusioa landuz
Manchester City, Real Madril, Inter Milan, Olympique Lyon… Europako talde garrantzitsuenak erakartzen dituen txapelketa etorkizuneko izarren haztegi bihurtu da azken ekitaldietan.
F Moeve Liga abuztuaren 30-31ko asteburuan hasi eta maiatzaren 30-31n amaituko da
Egutegi asimetrikoa izango da. Hori dela eta, lehen itzuliko jardunaldi bakoitzeko ordena eta partidak eta bigarrenekoak ez dira bat etorriko.
Barçak irabazi du Kopa, bere palmareseko hamaikagarrena, Atletico Madril garaituta (2-0)
Kataluniako taldeak Claudia Pinaren bi golei esker menderatu du Atletico Madril, denboraldiko hirugarren garaikurra lortuta, Liga eta Superkopa irabazi ostean.
Bartzelonak seigarrenez jarraian irabazi du F Liga
Atletico Madrilek Txapeldunen Liga jokatzeko txartela ziurtatu du, eta Betis eta Valentzia Federazioko Lehen Mailara jaitsiko dira. Athleticek Superkopa ziurtatu du.
Beatriz Alvarez, F Liga: ''Sistemaren bat erabiltzeak epaileek akatsak egitea ekidingo luke''
F Ligan bideoarbitrajea ezartzeko aukeraren gainean mintzatu da Beatriz Alvarez F Ligareb presidenteak ostegun eguerdian, San Mamesen, Women's Football Week 2025 ekimenaren baitan. (Jatorrizko adierazpenak, gaztelaniaz)