Emakumezkoen futbolaren lan hitzarmenerako aurreakordioa sinatu dute
AFE eta Futbolistas On sindikatuek eta Emakumezkoen Futboleko Kluben Elkarteak (ACFF) aurreakordioa sinatu dute ostiral honetan emakumezkoen futbolaren lehen hitzarmen kolektiboaren gainean.
Patronalak eta sindikatuek gutxieneko soldata, lanaldiaren iraupena edota oporrak arautuko dituen agiriaren oinarriak hitzartu dituzte. Hitzarmenak babesa bermatuko du lesioen kasuetan eta haurdunaldietan jarraitu beharreko protokoloa ezarriko du, besteak beste.
Aurreakordio hori urtarrilaren 15ean berretsi beharko dute bi alderdiek, behin betiko dokumentua sinatuta.
Sindikatuek eta patronalak ostiral honetara arteko epea zuten negoziatzen jarraitzeko, hilabeteko epealdia jarri baitzieten euren buruei egoera desblokeatzeko asmoz, futbolariek azaroaren 16an eta 17an (Primera Iberdrolako 9. jardunaldian) egin zuten grebaren ostean
Hitzarmen kolektiboa 2019ko uztailaren 1eko datarekin jarriko da indarrean, eta 2020ko ekainaren 30ean amaituko da. Denboraldiz denboraldi luzatuko da bere osotasunean, baldin eta alderdietako batek hitzarmena (edota haren edozein luzapen) ez badu salatzen hura amaitu baino hiru hilabete lehenago gutxienez.
Zure interesekoa izan daiteke
Sonia Bermudez da Espainiako selekzioko hautatzaile berria, eta Iraia Iturregi izango du laguntzaile
Espainiako Futbol Federazioak jakinarazi du Montse Tomek ez duela karguan jarraituko eta Bermudez dela hautatzaile berria. Iturregi izango da bigarren entrenatzailea.
Moeve F Ligako derbien egutegia
Athletic, Reala eta Eibar dira lehen mailan lehiatuko diren hiru euskal taldeak. Hemen ikus ditzakezu 2025-2026 denboraldiko derbien data guztiak.
Tximist Cup: emakumezkoen futbolean berdintasuna eta inklusioa landuz
Manchester City, Real Madril, Inter Milan, Olympique Lyon… Europako talde garrantzitsuenak erakartzen dituen txapelketa etorkizuneko izarren haztegi bihurtu da azken ekitaldietan.
F Moeve Liga abuztuaren 30-31ko asteburuan hasi eta maiatzaren 30-31n amaituko da
Egutegi asimetrikoa izango da. Hori dela eta, lehen itzuliko jardunaldi bakoitzeko ordena eta partidak eta bigarrenekoak ez dira bat etorriko.
Barçak irabazi du Kopa, bere palmareseko hamaikagarrena, Atletico Madril garaituta (2-0)
Kataluniako taldeak Claudia Pinaren bi golei esker menderatu du Atletico Madril, denboraldiko hirugarren garaikurra lortuta, Liga eta Superkopa irabazi ostean.
Bartzelonak seigarrenez jarraian irabazi du F Liga
Atletico Madrilek Txapeldunen Liga jokatzeko txartela ziurtatu du, eta Betis eta Valentzia Federazioko Lehen Mailara jaitsiko dira. Athleticek Superkopa ziurtatu du.
Beatriz Alvarez, F Liga: ''Sistemaren bat erabiltzeak epaileek akatsak egitea ekidingo luke''
F Ligan bideoarbitrajea ezartzeko aukeraren gainean mintzatu da Beatriz Alvarez F Ligareb presidenteak ostegun eguerdian, San Mamesen, Women's Football Week 2025 ekimenaren baitan. (Jatorrizko adierazpenak, gaztelaniaz)