Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.
Athleticek eta Realak bi aurkari zail izango dituzte aurrean, EA Sports Ligaren hasieran; izan ere, Terzicen taldeak FC Bartzelona egungo txapeldunaren aurka jokatuko du etxetik kanpo, eta Matarazzoren jokalariek gauza bera egingo dute Real Madrilen aurka Santiago Bernabeun, Espainiako Futbol Federazioak gaur egindako 2026-2027 denboraldiko zozketaren arabera.
Bestalde, Alavesek eta Osasunak aurkari errazagoak izango dituzte, printzipioz, lehen jardunaldian. Gainera, talde babazorroak estreinako neurketa etxean, Mendizorrotzan, izango du. Alavesek Getafe hartuko du. Quique Sanchez Floresen taldea izango da denboraldia etxean hasiko duen euskal talde bakarra. Osasunak, ostera, Balaidos bisitatuko du, Celtaren kontra indarrak neurtzeko.
Lehen jardunaldiko gainerako norgehiagokak Atletico Madril-Malaga, Deportivo A Coruña-Elx, Espanyol-Levante, Racing Santander-Vila-real, Sevilla-Rayo Vallecano eta Valentzia-Betis izango dira.
Liga hasiera abuztuaren 15-16ko asteburuan jokatuko da. Txapelketa maiatzaren 30ean bukatuko da.
Zure interesekoa izan daiteke
EA Sports Ligako 11. jardunaldiko Athletic-Reala derbia azaroaren 1ean jokatuko dute, igandez, 21:00etan
Valentziak Javier Aguirre fitxatu du, entrenatzaile gisa
Siverak penalti bat gelditu dio Sanceti, eta Athleticek eta Alavesek berdindu egin dute San Mameseko derbian (0-0)
Alavesek Osasuna airean ibili du, Lucas Boyek partida ikusgarria eginda (5-2)
Ligan 26/27 denboraldian izango diren arau berriei buruz jakin beharreko guztiak
Unai Nuñezek Espanyolen jokatuko du utzita
EA Sports Ligako 4. jardunaldiko Alaves-Osasuna derbia irailaren 6an jokatuko dute, igandez, 18:30ean
Rayok ezin izango du Vallecasen jokatu, Madrilgo Gobernuak kontzesioa bertan behera utzi baitu
Alaves-Getafe partida, abuztuaren 15ean, 19:30ean, 2026-2027ko EA Sports Ligako lehenengoa
