2026-2027 denboraldiko EA Sports Ligako eta Hypermotion Ligako derbien egutegia
Honako hauek dira bi txapelketetako 14 derbien datak; lehena, 4. jardunaldian jokatuko dute Alavesek eta Osasunak, Mendizorrotzan, irailaren 6an.
Aurreko Ligako Osasuna-Alaves derbiko jokaldi bat. Argazkia: Europa Press.
LaLiga EA Sports futbol-txapelketak 2026-2027 denboraldirako egutegia iragarri du asteartean. Txapelketa abuztuaren 16ko asteburuan hasiko da. Iragan sasoian gertatu zen moduan, Euskal Herriko lau taldek jokatuko dute: Alavesek, Athleticek, Osasunak eta Realak. Honako hauek dira neurketen datak:
2026-2027 denboraldiko EA Sports Ligako derbiak
Lehen itzulia (eguna eta ordua, zehazteke)
4. jardunaldia, irailak 6, igandea: Alaves-Osasuna
7. jardunaldia, irailak 20, igandea: Athletic-Alaves
11. jardunaldia, azaroak 1, igandea: Athletic-Reala
12. jardunaldia, azaroak 8, igandea: Athletic-Reala
18. jardunaldia, urtarrilak 3, igandea: Reala-Osasuna
19. jardunaldia, urtarrilak 10, igandea: Alaves-Reala
Bigarren itzulia (eguna eta ordua, zehazteke)
23. jardunaldia, otsailak 7, igandea: Athletic-Osasuna
27. jardunaldia, martxoak 7, igandea: Alaves-Athletic
29. jardunaldia, martxoak 21, igandea: Reala-Alaves
33. jardunaldia, apirilak 21, igandea: Osasuna-Alaves
34. jardunaldia, maiatzak 2, igandea: Reala-Athletic
35. jardunaldia, maiatzak 9, igandea: Osasuna-Reala
Gainera, Eibar eta Reala B izango dira Hypermotion Ligan jokatuko duten euskal taldeak; bi derbitan arituko dira Gipuzkoako bi taldeak nor baino nor gehiago.
2026-2027 denboraldiko Hypermotion Ligako derbiak
Lehen itzulia (eguna eta ordua, zehazteke)
20. jardunaldia, urtarrilak 3, igandea: Eibar-Reala B
Bigarren itzulia (eguna eta ordua, zehazteke)
30. jardunaldia, martxoak 14, igandea: Reala B-Eibar
Zure interesekoa izan daiteke
Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.
Jon Ander Gonzalez epailea Lehen Mailara igo da, eta Olatz Rivera, Bigarren Mailara
Jon Ander Gonzalezek zazpi denboraldi eman ditu Bigarren Mailan, eta Olatz Rivera, ordea, 1. RFEFetik iritsi da Bigarren Mailara; 2017an, emakumezkoen Lehen Mailan egin zuen debuta, eta futbol profesionalean igo den bigarren emakumea da. Iosu Galech Bigarren Mailara pasa da, Lehen Mailatik.
Epaileek arrazoi eman diote Ligari, eta txapelketa abuztuaren 15-16ko asteburuan hasiko da
Ligak eta Espainiako Futbolarien Elkarteak ez dute datorren kanpainako egutegiaren inguruan akordiorik itxi, eta, beraz, hitzarmen kolektiboak dioen bezala, epaileen organora jo zuten. Javier Tebas buru duen erakundeari eman dio arrazoi.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.
Realak Espanyolen aurka berdindu du (1-1), eta Alavesek eta Athleticek galdu egin dute, Rayo Vallecanoren eta Real Madrilen kontra (1-2 eta 4-2)
RCDE Stadiumen, Oskarssonek aurretik jarri du Reala, eta Espanyolek bigarren zatian parekatu du markagailua; Mendizorrotzan, Toni Martinezek 1-0ekoa sartu du, baina Rayo Vallecanok, partidako azken hogei minutuetan, markagailua irauli du; eta Bernabeun, Guruzetak eta Izetak egin dituzte Athleticen golak, baina Real Madrilek lau lortu ditu.
Txapeldunen Ligarako bosgarren txartelak Athletic eta Osasuna Europara hurbildu ditu
Rayo Vallecanok Conference Leagueko finalerako sailkapena lortu ostean, Espainiak matematikoki bermatu du Txapeldunen Ligako plaza gehigarri bat, eta horrek Europan jokatzeko aukera gehiago emango dizkie Athletici eta Osasunari.
Nolako derbia espero dute Alaveseko eta Athleticeko zaleek?
Alavesek eta Athleticek denboraldiko azken euskal derbia jokatuko dute Mendizorrotzan. Alaves jaitsiera postuei begira dago, eta Athletic ez dago bere momenturik onenean. Zer gertatuko da?
Alaves-Athletic derbia maiatzaren 2an jokatuko da, 18:30ean
Alavesen eta Athleticen arteko euskal derbia maiatzaren 2an jokatuko da, larunbatean, Mendizorrotzan. Realak, bestalde, Sevillaren aurka jokatuko du maiatzaren 4an. Osasunari dagokionez, Bartzelonaren aurka jokatuko duen partida oraindik ez dute zehaztu noiz jokatuko den.
Penaltiek puntuak banatu dituzte Alavesen eta Osasunaren artean (2-2)
Puntu banaketak, ordea, ez dio gehiegi balio bietako inori, gorritxoak Europatik aldentzen baititu, eta babazorroak jaitsieraren arriskuan mantendu.