Getafeko zelaiak "Coliseum Alfonso Perez" izena izateari utziko dio jokalari ohiaren adierazpen batzuengatik
Madrilgo Getafe hiriko Udalak eta Getafe taldeak adostu dute asteazkenean udalerriko futbol zelaiari beste izen bat jartzea; izan ere, "Coliseum Alfonso Perez" izena izateari utzi, eta "Coliseum" izena izango du aurrerantzean. Alfonso Perez futbolari ohiak egindako adierazpen batzuek ekarri dute zelaiari izena aldatzeko erabakia: "Getafe hiriko udal futbol zelaiak, Getafe taldeari 40 urtez utzitakoak, 'Coliseum' izena izango du aurrerantzean, Alfonso Perezek egindako adierazpenengatik. Alfonso Perez jokalari ohia Getafen sortua da, eta Espainiako selekzioarekin Olinpiar Jokoak irabazi zituen", zabaldu du Getafeko Udalak.
Alfonso Perez, besteak beste, Real Madrilen, Betisen, Bartzelonan, eta Olympique Marseillan aritu zen, eta futbolari internazionala izan zen Espainiako selekzioarekin; duela egun batzuk El Mundo egunkariak egindako elkarrizketa batean adierazi du "ezinezkoa" dela "emakumezko jokalari batek gizonezko futbolariek beste kobratzea". Adierazpen horiek, Udalaren iritziz, iradokitzen dute "futbola negozio ekonomiko hutsa" dela, eta alde batera uzten ditu "kirolean garrantzitsuak diren hainbat balio: hobetzea, ahalegina eta berdintasuna, kasu". Horrez gain, "gutxietsi egiten dituzte egungo munduko txapeldunek berdegunean eta berdegunetik kanpo erdietsi dituzten lorpen sozialak".
Udalaren eta klubaren ustez, "kirolak bultzatzen dituen balio onak babestu behar dira, hirian kirol eskolen bidez sustatzen direnak".
Udalaren esanetan, "Getafe taldearen zale gehienak iritzi berekoak dira" eta, gogoratu duenez, "garrantzitsua da gogora ekartzea Getafek, lagapenean jasotako baldintzen arabera, publizitate babesle bat ere gehitu ahal duela Coliseum izenaren ondoan, munduko gainerako klubek egiten duten moduan".
Zure interesekoa izan daiteke
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
EA Sports Ligako 28. jardunaldiko Reala-Osasuna derbia martxoaren 15ean jokatuko dute, igandez, 21:00etan
Jardunaldi horretan, Alavesek Vila-real jasoko du ostiralean, hilaren 13an, 21:00etan, eta Athleticek Gironaren aurka jokatuko du larunbatean, 14:00etan, etxetik kanpo.
Almeydaren eta epailearen arteko liskarra Sevilla-Alaves partidan
Iosu Galech Apezteguia epaile nafarrak Sevillako entrenatzailea kanporatu du behin eta berriz protesta egiteagatik. Entrenatzaileak ez dio jaramonik egin zelaia uzteko aginduari, eta epaileak 4 minutuz gelditu behar izan du partida, Almeydak azalpenak eskatzeari utzi eta berdegunetik alde egin duen arte.
Alvaro Nuñezek 2030era arte sinatu du Celtarekin
Jokalari bilbotarrak 2030eko ekainaren 30era arte jokatuko du Celtarekin, klubak astelehen honetan jakitera eman duenez.
Ruiz de Galarretaren eta Guedesen bi gol ikusgarrik puntu banaketa ekarri dute San Mameseko derbian (1-1)
Reala 37. minutuan aurreratu da, Gonçalo Guedesen jaurtiketa bikain baten bidez, eta Athleticek 88.ean berdindu du, Iñigo Ruiz de Galarretak egindako jokaldi oso polit batean. 83. minutuan, epaileak Brais kanporatu du, eta derbian Wesleyk debuta egin du Realarekin.
Euskal taldeen neurketen ordutegiak EA Sports Ligako 21. jardunaldian
Osasunak eta Athleticek urtarrilaren 24an, larunbatean, jokatuko dituzte ligako norgehiagokak, eta Realak eta Alavesek 25ean, igandean.
Berriatua, Jagoba Arrasate eta Jon Ansotegi lehen mailako entrenatzaileez harro
2.000 biztanleko herri honetakoa ezohiko kasua da, bere herritarren artean lehen mailako bi entrenatzaile baititu. Jagoba Arrasateri Jon Ansotegi gehitu zaio aste honetan, eta, gainera, koadrila berekoak dira.
Oviedok Luis Carrion kargutik kendu du, Sevillako jipoiaren ondoren
Carrion urrian itzuli zen Oviedora, Veljko Paunovicen ordez.
Festa-giroa Gasteizen, Alaves-Reala derbiaren harira
Chacho Coudeten eta Sergio Franciscoren taldeak 16:15etik aurrera arituko dira Mendizorrotzan nor baino nor gehiago. Derbi parekatua eta bizia izatea espero da. Zaleak goizetik hasi dira gozatzen!
2025-26 denboraldiko EA Sports Ligako 13. jardunaldiko golak eta laburpenak
EA Sports Ligako 13. jardunaldiko partida guztien laburpenak eta golak, hemen.