Jakub Jankto Getafek Sparta Pragan utzita duen jokalariak homosexuala dela iragarri du
Jakub Jankto Getafeko 27 urteko futbolari txekiarrak (Sparta Pragan utzita gisa jokatzen du) homosexuala dela iragarri du jendaurrean astelehenean, sare sozialetan zabaldutako bideo baten bidez. Homosexuala dela iragarri duen LaLigako lehen jokalaria da, eta, esan duenez, bere asmoa da bizitzea "askatasunean, beldurrik gabe, aurreiritzirik gabe, indarkeriarik gabe, maitasunez". Getafek eta Sparta Pragak babesa agertu diote.
"Gainerakoek bezala, nire sendotasunak ditut, bai eta nire ahultasunak ere. Familia dut, lagunak ere bai, lana; nire lanean, beti egin dut ahalik eta ondoen, seriotasunez, profesionaltasunez, adorez. Gainerakoek bezala, nik ere nahi dut bizitzea askatasunean, beldurrik gabe, aurreiritzirik gabe, indarkeriarik gabe, baina maitasunez. Homosexuala naiz, eta ez dut neure burua ezkutatu", adierazi du, bideoan, erdilariak.
Getafek 2021ean fitxatu zuen, Sampdoriatik. Madrilgo taldearekin 14 partida jokatu ditu Santander Ligan, lesio bat izan zuelako; Txekiara 2022ko abuztuan bueltatu zen, Sparta Pragara, utzita. Internazionala da Txekiako selekzioarekin; 45 partida jokatu ditu selekzioan, eta lau gol sartu. 2020ko Eurokopan izan zen.
Sparta Pragak babesa agertu dio futbolariari: "Jakub Janktok aspaldi hitz egin zuen bere sexu orientazioaz klubeko Zuzendaritzarekin, entrenatzaileekin eta taldekideekin. Gainerakoa bere bizitza pertsonala da. Ez dago bestelako komentariorik ezta beste galderarik ere. Gure babes osoa duzu. Bizi zure bizitza, Jakub. Beste ezerk ez du axola", adierazi du Sparta Pragak, Twitterreko bere kontu ofizialean.
Getafek ere agertu dio babesa txekiar jokalariari: "Errespetua eta baldintzarik gabeko babesa, Jakub Jankto gure futbolariarentzat", esan du klubak, Twitterren.
Jendaurrean homosexuala dela esan duen LaLigan ibilitako lehen jokalaria da. 2021eko urrian, Josh Cavallo australiar futbolariak ere iragarri zuen; esan zuenez, "zoriontsu" zegoen adierazpena egiteaz, eta nabarmendu zuen espero zuela hori beste futbolari batzuentzako adibidea izan ahal izatea.
Zure interesekoa izan daiteke
Ligan 26/27 denboraldian izango diren arau berriei buruz jakin beharreko guztiak
Epaileen Batzorde Teknikoak datorren denboraldirako arau berriak argitaratu ditu, eta, besteak beste, denbora-galerak saihesteko ekimenak eta VAR protokoloan egin beharreko aldaketak jaso ditu.
Unai Nuñezek Espanyolen jokatuko du utzita
Sestaoko atzelariak Celtak utzita jokatuko du 2026-2027 denboraldia talde kataluniarrean.
EA Sports Ligako 4. jardunaldiko Alaves-Osasuna derbia irailaren 6an jokatuko dute, igandez, 18:30ean
Denboraldiko aurreneko derbia izango da. Jardunaldi horretan bertan, Athletic Atletico Madrilen aurka arituko da, hilaren 5ean, larunbatez, 16:15etik aurrera, eta astelehenean, hilaren 7an, Elx-Reala partida izango da, 21:30ean hasita.
Rayok ezin izango du Vallecasen jokatu, Madrilgo Gobernuak kontzesioa bertan behera utzi baitu
"Segurtasun gabezia larriak" daudela argudiatu du Madrilgo Gobernuak. Rayo Vallecano "harrituta" azaldu da Kultura, Turismo eta Kirol sailaren erabakiarekin. Javier Tebas Ligaren presidenteak adierazi duenez, Rayok beste futbol-zelai bat du erabilgarri, baina ez du zehaztu zein. Bestalde, Tebasek ez du zalantzan jarri Madrilgo Gobernuaren erabakia.
Alaves-Getafe partida, abuztuaren 15ean, 19:30ean, 2026-2027ko EA Sports Ligako lehenengoa
Ligak txapelketako aurreneko hiru jardunaldietako ordutegien berri eman du; abuztuko bigarren hamabostaldian jokatuko dituzte hiru jardunaldi horiek. Osasuna Celtaren zelaian hasiko da, abuztuaren 16an, igandez, 21:30ean; Realak bigarren jardunaldian jokatuko du aurreneko partida, Betisen zelaian, abuztuaren 21ean, ostiralez, 21:00etan; eta Athleticek ere bigarren jardunaldian izango du lehen norgehiagoka, San Mamesen, Sevilla aurkari, abuztuaren 22an, larunbatez, 17:00etan.
Munduko Txapelketak Athleticen, Realaren eta Osasunaren Liga hasiera atzeratuko du
EA Sports Ligako lehen jardunaldiko partiden erdiak dataz aldatu beharko dira nazioarteko jokalarien atsedena errespetatzeko.
Villalibrek 2029ra arte sinatu du Racingekin
Gernikako aurrelaria Kantabriako taldeko jokalaria da orain, klubak bere lagapenean jasotako erosketa aukera gauzatu ondoren.
2026-2027 denboraldiko EA Sports Ligako eta Hypermotion Ligako derbien egutegia
Honako hauek dira bi txapelketetako 14 derbien datak; lehena, 4. jardunaldian jokatuko dute Alavesek eta Osasunak, Mendizorrotzan, irailaren 6an.
Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.
Jon Ander Gonzalez epailea Lehen Mailara igo da, eta Olatz Rivera, Bigarren Mailara
Jon Ander Gonzalezek zazpi denboraldi eman ditu Bigarren Mailan, eta Olatz Rivera, ordea, 1. RFEFetik iritsi da Bigarren Mailara; 2017an, emakumezkoen Lehen Mailan egin zuen debuta, eta futbol profesionalean igo den bigarren emakumea da. Iosu Galech Bigarren Mailara pasa da, Lehen Mailatik.