Liga ekainaren 11n hasiko da berriz; 28. eta 29. jardunaldietako datak iragarri ditu
Santander Liga ekainaren 11n hasiko da berriz, LaLigak igande honetan jakinarazi duenez. Pandemiaren ondorioz txapelketa geratu egin zen, eta 28. jardunaldiarekin jarriko da martxan. Estreinako neurketa Sevillak eta Betisek jokatuko dute ekainaren 11n. Asteburuetan, norgehiagokak 13:00etan ere jokatuko dira, tokian tokiko klimak hala uzten badu.
Ligako 28. jardunaldiko Espanyol-Alaves partida ekainaren 13an, larunbatean, jokatuko da, 13:00etan. Igandean, ekainaren 14an, Athletic-Atletico Madril (14:00etan), Real Madril-Eibar (19:30ean) eta Reala-Osasuna (22:00etan) neurketen txanda izango da.
Astebarruan jokatuko da 29. jardunaldia, ekainaren 15ean (astelehena), Levante-Sevilla eta Betis-Granada partidak jokatuko direlarik. Eibar-Athletic euskal derbia ekainaren 17an (asteazkena) izango da, 19:30ean, eta, egun berean jokatuko da Osasuna-Atletico Madril (22:00etan) neurketa. Jardunaldiko beste euskal derbia Alavesek eta Realak jokatuko dute ekainaren 18an (osteguna), 19:30ean.
Santander Ligako 28. ta 29. jardunaldietako partidak:
28. jardunaldia
Osteguna, ekainak 11:
22.00etan: Sevilla-Betis
Ostirala, ekainak 12:
19.30ean: Granada-Getafe
22.00etan: Valentzia-Levante
Larunbata, ekainak 13:
13.00etan: Espanyol-Alaves, 14:00etan izango da
17.00etan: Celta-Vila-real
19.30ean: Leganes-Valladolid
22.00etan: Mallorca-Bartzelona
Igandea, ekainak 14:
13.00etan: Athletic-Atletico Madril; 14:00etan jokatuko da
19.30ean: Real Madril-Eibar
22.00etan: Reala-Osasuna
29. jardunaldia:
Astelehena, ekainak 15:
19.30ean: Levante-Sevilla
22.00eta: Betis-Granada
Asteartea, ekainak 16:
19.30ean: Getafe-Espanyol
19.30ean: Vila-real-Mallorca
22.00etan: Bartzelona-Leganes
Asteazkena, ekainak 17:
19.30ean: Eibar-Athletic
19.30ean: Valladolid-Celta
22.00 Osasuna-Atlético de Madrid
Osteguna, ekainak 18:
19.30ean: Alaves-Reala
22.00etan: Real Madril-Valentzia
Zure interesekoa izan daiteke
Villalibrek 2029ra arte sinatu du Racingekin
Gernikako aurrelaria Kantabriako taldeko jokalaria da orain, klubak bere lagapenean jasotako erosketa aukera gauzatu ondoren.
2026-2027 denboraldiko EA Sports Ligako eta Hypermotion Ligako derbien egutegia
Honako hauek dira bi txapelketetako 14 derbien datak; lehena, 4. jardunaldian jokatuko dute Alavesek eta Osasunak, Mendizorrotzan, irailaren 6an.
Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.
Jon Ander Gonzalez epailea Lehen Mailara igo da, eta Olatz Rivera, Bigarren Mailara
Jon Ander Gonzalezek zazpi denboraldi eman ditu Bigarren Mailan, eta Olatz Rivera, ordea, 1. RFEFetik iritsi da Bigarren Mailara; 2017an, emakumezkoen Lehen Mailan egin zuen debuta, eta futbol profesionalean igo den bigarren emakumea da. Iosu Galech Bigarren Mailara pasa da, Lehen Mailatik.
Epaileek arrazoi eman diote Ligari, eta txapelketa abuztuaren 15-16ko asteburuan hasiko da
Ligak eta Espainiako Futbolarien Elkarteak ez dute datorren kanpainako egutegiaren inguruan akordiorik itxi, eta, beraz, hitzarmen kolektiboak dioen bezala, epaileen organora jo zuten. Javier Tebas buru duen erakundeari eman dio arrazoi.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.
Realak Espanyolen aurka berdindu du (1-1), eta Alavesek eta Athleticek galdu egin dute, Rayo Vallecanoren eta Real Madrilen kontra (1-2 eta 4-2)
RCDE Stadiumen, Oskarssonek aurretik jarri du Reala, eta Espanyolek bigarren zatian parekatu du markagailua; Mendizorrotzan, Toni Martinezek 1-0ekoa sartu du, baina Rayo Vallecanok, partidako azken hogei minutuetan, markagailua irauli du; eta Bernabeun, Guruzetak eta Izetak egin dituzte Athleticen golak, baina Real Madrilek lau lortu ditu.
Txapeldunen Ligarako bosgarren txartelak Athletic eta Osasuna Europara hurbildu ditu
Rayo Vallecanok Conference Leagueko finalerako sailkapena lortu ostean, Espainiak matematikoki bermatu du Txapeldunen Ligako plaza gehigarri bat, eta horrek Europan jokatzeko aukera gehiago emango dizkie Athletici eta Osasunari.
Nolako derbia espero dute Alaveseko eta Athleticeko zaleek?
Alavesek eta Athleticek denboraldiko azken euskal derbia jokatuko dute Mendizorrotzan. Alaves jaitsiera postuei begira dago, eta Athletic ez dago bere momenturik onenean. Zer gertatuko da?
Alaves-Athletic derbia maiatzaren 2an jokatuko da, 18:30ean
Alavesen eta Athleticen arteko euskal derbia maiatzaren 2an jokatuko da, larunbatean, Mendizorrotzan. Realak, bestalde, Sevillaren aurka jokatuko du maiatzaren 4an. Osasunari dagokionez, Bartzelonaren aurka jokatuko duen partida oraindik ez dute zehaztu noiz jokatuko den.