Zigorra, Betisi: Cartujako zati bat itxi egingo dute, Athleticen aurkako partidan botatako irainak direla eta
Real Betisek 200 bat eserleku ez erabiltzea eragingo duen diziplina-zigorra betetzen hasiko du Cartuja estadioan egingo duen bi urteko 'erbestealdia'. Espainiako Futbol Federazioko (RFEF) Diziplina Batzordeak harmailako sektore bateko zati ixteko agindua eman du, otsailean Benito Villamarinen jokatutako partida batean Athletic Clubeko jokalariei botatako oihu arrazista eta xenofoboengatik, zigor gisa.
Neurria asteazken honetan jakinarazi du Sevillako klubak, eta ostiral honetan aplikatuko da, Betis eta Deportivo Alaves taldeek jokatuko duten Ligako bigarren jardunaldiko partiduan, hain zuzen. Zigorra RFEFek irekitako espedientea amaitu berritan heldu da; RFEFek bi zalek aurreko denboraldiko 22. jardunaldiko norgehiagokan botatako irainak ikertu baititu.
Salatutako gertakarien artean, Maroan Sannadi eta Oscar De Marcos jokalarien aurkako ahozko erasoak daude. Aurrelariari honakoa oihukatu zioten: "Sannadi, Sannadi, zoaz zure etxera, beltza! Afrikara joan!", eta futbolari zuri-gorri ohiari, berriz, honakoa: "Begiratu autoaren azpian, De Marcos".
Real Bestisek jakinarazi duenez, "kaltetuek erakundearen jakinarazpena jasoko dute". Horrez gain, erakundeak "edozein portaera arrazista edo xenofobo" gaitzesten duela adierazi du beste behin.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.