Chelseak Kluben Munduko Txapelketako finala jokatuko du, finalerdietan Fluminense kanporatuta (0-2)
Chelseak 2025eko Kluben Munduko Txapelketako finalerako txartela lortu du, txapelketako lehen finalerdian Fluminenseri 0-2 irabazita. Finalean Ingalaterrako taldeak izango duen aurkaria PSGren eta Real Madrilen arteko partidako irabazlea izango da.
Neurketako izarra Joao Pedro izan da. Chelseak txapelketa hasi aurretik fitxatu zuen aurrelaria, eta erakustaldia eman du Fluminensen bere talde ohiaren kontra, norgehiagokako bi golak sartuta. Lehena, 0-1ekoa, 18. minutuan heldu da; gol ikusgarria sartu du.
Bigarrena (0-2), 56. minutuan partida erabakita utzi duena, polita izan da. Joao Pedrok amaiera bikaina eman dio konterasoari.
Amaieran, garaipena eta finalerako txartela Chelsearentzat (0-2).
Fitxa teknikoa:
0 - Fluminense: Fabio; Ignacio, Thiago Silva, Thiago Santos (Keno, 54. min); Guga, Hercules (Agustin Canobbio, 70. min), Facundo Bernal (Lima, 69. min), Nonato (Yeferson Soteldo, 66. min), Rene; Jhon Arias eta German Cano (Everaldo, 54. min).
Entrenatzailea: Renato Gaucho.
2 - Chelsea: Robert Sanchez; Malo Gusto (Reece James, 68. min), Trevoh Chalobah, Tosin Adarabioyo, Marc Cucurella; Moises Caicedo; Enzo Fernandez (Andrey Santos, 86. min), Cole Palmer; Pedro Neto (Noni Madueke, 68. min), Joao Pedro (Nico Jackson, 60. min) eta Christopher Nkunku (Kiernan Dewsbury-Hall, 86. min).
Entrenatzailea: Enzo Maresca.
Golak: 0-1, 18. min: Joao Pedro. 0-2, 56. min: Joao Pedro.
Epailea: François Letexier (FRA). Txartel horiak atera dizkie Nonato eta Soteldo Fluminenseko jokalariei, baita Sanchez Chelseakoari ere.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).
Realak Esther Laborde fitxatu duela iragarri du
22 urteko atzelaria, San Cugat del Vallesen jaioa, Madrid CFF taldetik dator eta 2027-2028 denboraldiaren amaierara arte sinatu du.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Unai Roperok utzita jokatuko du hirugarren denboraldia jarraian, oraingoan Racing Ferrolen
Ibaiako harrobiaren aurrelari gasteiztarra Herculesen aritu zen utzita joan den denboraldian. Era berean, duela bi denboraldi Eldensen jokatu zuen utzita.