Inter Milan eta Monterrey, E multzoan, eta Borussia Dortmund eta Fluminense, F multzoan, final zortzirenetara
Inter Milan eta Monterrey final zortzirenetarako sailkatu dira, hurrenez hurren lehen eta bigarren sailkatu gisa, E multzoan, eta Borussia Dortmundek eta Fluminensek gauza bera lortu dute F multzoan, Ameriketako Estatu Batuetan jokatzen ari diren 2025eko Kluben Munduko Txapelketan, multzo fasean, asteazken gauean eta ostegun goizaldean. River Plate txapelketatik kanpo gelditu da, E multzoan, eta, beraz, final zortzirenetan, kanporaketa hauek izango dira: Inter Milan-Fluminense (astelehenean, Euskal Herriko 21:00etan), eta Borussia Dortmund-Monterrey (asteazkenean, 3:00etan).
Horrenbestez, E multzoan, Inter Milanek River Plate menderatu du, 2-0, Seattlen, Francesco Espositok 72. minutuan eta Alessandro Bastonik 93.ean sartutako golen bidez. Epaileak River Plate taldeko bi jokalari, hain zuzen Lucas Martinez Quarta eta Gonzalo Montiel, kanporatu egin ditu.
Multzoko beste neurketan, Pasadenan, Monterrey 0-4 gailendu zaio Urawa Red Diamondsi; Deossak, Berteramek, bi aldiz, eta Coronak egin dituzte golak.
H multzoan, Borussia Dortmund 1-0 hartu du mendean Ulsan, Cincinnatin, Daniel Svenssonek sartutako golaren bidez; hala, Alemaniako taldeak multzoko aurreneko postua eskuratu du.
Miamin, Mamelodi Sundowns eta Fluminense taldeen arteko norgehiagokan, ez da golik izan; berdinketa horrek sailkatzea eman dio Brasilgo taldeari.
Zure interesekoa izan daiteke
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).